ساخلەمیا ھونەرمەند ئەحمەد زێباری یا خرابە
ئەڤرۆنیوز، سەباح زێباری:
ژبەر ھەبوونا نەخۆشیا شەکرێ ھونەرمەند ئەحمەد زێباری رەوشا وی یا ساخلەمیێ تێکچوویە و ب رێیاا ئەڤرۆ نیوز داخوازەکێ ژ حکومەتا ھەرێما کوردستانێ دکەت.
ھونەرمەند ئەحمەد زێباری کو خەلکێ دەڤەرا ئاکرێ یە بۆ ئەڤرۆ نیوز دیارکر بۆ ماوێ ۲۰ سالانە نەخۆشیا شەکرێ ل دەف وی ھەی و سەرەدانا چەندین نوشداران کریە بۆ چارەسەریێ.
زێدەتر گۆت: نوکە رەوشا وی نەیا باشە و نەخۆشیا وی یا شەکرێ کارتێکرن ل پێ وی کریە و بۆ ماوێ سێ ھەیڤایە پێت وی کولبووینە.
ھونەرمەند ئەحمەد زێباری رەخنە ژ لایەنێن پەیوەندیدار و لقا ۹ یا پارتی ل ئاکرێ و رێڤەبەریا رەووشەنبیری و ھونەری و سەندیکا ھونەرمەندا گرت و دیارکر کو کەسێ پەیوەندی ژی پێ نەکریە و پرسیارا رەوشا وی نەکریە، داخواز ژ حکومەتا ھەرێما کوردستانێ کر کو ھاریکاریێ وی بکەن داکو چارەسەریا نەخوشیا خوە بکەت ژ دەرڤەی وەلاتی.
