بازارێ کرین و فروتنا ترومبێلان ل زاخۆ گەرمتر بوویە
ئەڤرۆ نیوز ، عەلی حاجی :
پشتی رێککەفتنا دناڤبەرا و ئێکەتیێ بازارێ ترومبێلان ل زاخۆ قەرەبالغیەکا زێدەتر ب خوەڤە دیتیە و بازارێ کرین و فروتنێ باشتر لێھاتیە .
د ڤی دەربارەی دا رەشید خالد کارێ کرین و فروتنان ل زاخۆ دکەت بۆ ئەڤرۆ نیوز گوت : پشتی دوھی روژا دو شەمبێ ٤/٣/٢٠١٩ رێکەفتنا دناڤبەرا پارتی و ئێکەتیێ دا ھاتیە ئیمزا کرن بازارێ کرین و فروتنان ل باژێرێ زاخۆ قەرەبالغیەک ب خوەڤە دیتیە ، ژ دوھی وەرە خەلک ب شێوەیەکێ قەرەبالغتر ژ روژانێن دەرباز بوی قەستا پێشانگەھێن کرین و فروتنا ترومبێلان دکەن.
تاھر سەبری خودانێ پێشانگەھەکا ترومبێلایە ل زاخۆ بۆ ئەڤرۆ نیوز گوت: دوھی ئێڤار ژ نشکەکێ ڤە ل پێشانگەھێن کرین و فروتنا ترومبێلان ل زاخۆ خەلکەکێ ب شێوەیەکێ بەرچاڤتر ژ روژانێن بوری حەزا کرین و فروتنا ترومبێلان ھەبو ، ئەڤرۆ ل روژا سێ شەمبێ ھەتا نوکە خەلک زێدەتر یێ قەست دکەنە پێشانگەھان و بازارێ ترومبێلان جودا ژ روژێن بوری.
