ئەگەرێ سەرەکی یێ سەرەدانا بەشاری بۆ ئیرانێ ئاشکرا بوو
ئەڤرۆ نیوز:
ئیسماعیل قائانی جێگرێ سەرۆکێ فەیلەقا قودس یا کو قاسم سلێمانی فەرمانداریا وێ دکەت راگەهاند کو بەشار ئەسەد ل سەر ڤەخواندنا قاسم سلێمانی سەرەدانا ئیرانێ کربوو و ل دۆر رەوشا سووریێ گەنگەشە هاتنە کرن. لێ مە ژبیر کربوو کو وەزیرێ دەرڤە ژ ڤێ سەرەدانێ ئاگەهدار بکەین.
ئەو یەک د دەمەکێ دایە کو گەلەک دەزگەهێن راگەهاندنا ئۆپۆزسیۆنا ئیرانێ دیار کرن کو د سەرەدانا خوە یا بۆ ئیرانێ دا سەرۆکێ شۆرەشا ئیسلامی یا ئیرانێ ب کوژمێ ٢ ملیارد یورۆ هاریکاریا رژێما سووریێ کریە.
ژ بەر سەرەدانا ئەسەدی یا نەچاڤەرێ کری وەزیرێ دەرڤە یێ ئیرانێ دەست ژ کارکێشانا خوە راگەهاندبوو لێ ژ ئالیێ سەرۆک کۆماری ڤە هاتبوو رەتکرن.
