چاوانیا بەلاڤبوونا ماددێن بێھوشکەر ھاتە بەحسکرن
ئەڤرۆ نیوز، مەحمود نھێلی:
کارگێرێ ناڤەندا چالاکی و پێگەھاندنا لاوان ل ئامێدیێ بۆ ئەڤرۆ نیوز دیار کر نوکە بەلاڤبوونا ماددێن بێھوشکەر، دیاردەیەکا مەترسیە دناڤ جڤاکی دا و پێدڤیە رێکێن توند بھێنە بکار ئینان بۆ رێگرتنێ ژ ڤێ مەترسیێ و گۆت: (بۆڤێ مەرەمێ ناڤەندا چالاکی و پێگەھاندنا لاوان ل ئامێدیێ ئەڤرۆ ۲۸/٤/۲۰۱۹ و ب ئامادەبوونا ھژمارەکا بەرپرسێن میری و حزبی و ھژمارەکا زۆرا گەنج و لاوێن قەزا ئامێدیێ سمینارەک ل ژێر ناڤێ (ماددێن بێھوشکەر ھوکار و چارەسەری) ل ھولا سەنتەرێ ئامێدیێ یێ رەوشەنبیریێ بۆ ملازم ( کاوە عەبدولکەریم) و ملازم (فەرھاد عجیل) ساز کر.
ناڤھاتی ئاشکرا ژی کر بابەتێن ب ڤی رەنگی پێدڤیە پتر بھێنە لێکولینکرن بۆ وێ یەکی ب ئێکجاری ئەڤ دیاردەیە بھێتە بنبڕکرن.