پەرلەمانتارەکا مەسیحی: مەسیحیێن دەشتا نەینەوا باوەری ب ھێزێن عیراقی نەمایە
ئەڤرۆ نیوز، رەمەزان ھەرنی:
ئەندامەکا پەرلەمانێ کوردستانێ ژ پێکھاتا مەسیحیان ئاشکرا کر کو پشتی داعش ل دەشتا نەینەوا ب دووماھی ھاتی ھەتا نوکە ھندەک گوند و کومەلگەھێن مەسیحیان ژ بەر حەشدا شەعبی و پاقژنەکرنا شوونوارێن داعش و مەترسیا گروپێن داعش ل دەڤەرێ نەھاتینە ئاڤەدانکرن.
روبینا تیاری، ئەنداما پەرلەمانێ کوردستانێ ژ پێکھاتا مەسیحیان بۆ ئەڤرۆ نیوز دیار کر کو ھندەک دەڤەرێن کو مەسیحی زڤرینەڤە سەر جھێن خوە ژ بەر پیشمەرگەیە، چونکی ھەکە پێشمەرگە پاراستنا مەسیحیان ل دەشتا نەینەوا نەکەت ب ئێکجاری دێ مالێن خوە چولکەن و بەر ب کەمپا ڤە زڤرن و گۆت: “زڤرینا مەسیحیان بۆ سەر مال و جھێن خوە ل دەشتا نەینەوا ژ بەر ھەبوونا پیشمەرگەیە ل دەڤەرێ”.
ناڤھاتیێ ئاماژە دا وێ چەندێ کو ئەو خێزانێن زڤرینە سەر مال و مولکێن خوە ژی تووشی ئاریشێن ئێمناھیێ بووینە، لەوڕا چو خێزان نازڤرن ھەکە پێشمەرگە ل دەردورێن وان نەبن و گۆت: “مەسیحیان باوەری ب حوکمەتا عیراقێ ژی نەمایە ل دەشتا نەینەوا ژ بەر ڤێ چەندێ ھەکە ھێزێن پیشمەرگەی ڤەنەگەڕێنە سەر جھێن خوە خێزانێن مەسیحی ئارام نابن.
