ئه‌مريكا 500 هزار دۆلاران بۆ نووژه‌نكرنا په‌رستگه‌ها لالش ته‌رخان دكه‌ت
ئه‌ڤرۆ نيوز:
باليۆزێ ئه‌مريكا ل عيراقێ ل گه‌ل كونسولێ ئه‌مريكى ل هه‌ولێرێ سه‌ره‌دانا په‌رستگه‌ها لالش كر وراگه‌هاند كو وه‌لاتێ وان دێ 500 هزار دۆلاران ته‌رخان كه‌ت بۆ نووژه‌نكرنا په‌رستگه‌ها لالش ونوكه تيمه‌ك ژ زانكۆيا بنسلڤانيا سه‌رپه‌رشتيا وى پرۆژه‌ى دكه‌ت وكارى ل گه‌ل هه‌ڤپشكين لوكالى دكه‌ت.
حازم مير ته‌حسين به‌گ، وه‌كيلێ ميرێ ئێزديان د كۆنگره‌كێ رۆژنامه‌ڤانى دا، خوه‌شحاليا خوه ب ڤێ پێنگاڤا ئه‌مريكا ده‌ربرى وگۆت” سۆپاسيا حوكمه‌تا ئه‌مريكا دكه‌ين بۆ پشته‌ڤانيا مادى ومه‌عنه‌وى بۆ هه‌رێما كوردستانێ”.
دهێته زانين برياره ل ده‌ستپێكا هه‌يڤا داهاتى پرۆژێ نووژه‌نكرنا په‌رستگه‌ها لالش بچيته د وارێ بجهئينانێ دا وبۆ ده‌مێ شه‌ش هه‌يڤان به‌رده‌وام بيت.