عيراقێ داهاتێ په‌ترولا هه‌يڤا ته‌باخێ ئاشكرا كر
ئه‌ڤرۆ نيوز:
وه‌زاره‌تا په‌ترولا عيراقێ ئه‌ڤرۆ ئێكشه‌مبى 1-9-2019 داهاتێ فروتنا په‌ترولا هه‌يڤا ته‌باخا ئه‌ڤ ساله ئاشكرا كر.
زێده‌تر عاسم جيهاد ئاخفتنكه‌رێ وه‌زاره‌تا په‌ترولا عيراقێ د به‌ياننامه‌كێ دا ئاشكرا كر د هه‌يڤا ته‌باخا ئه‌ڤ ساله 2019 دا سه‌رجه‌مێ 111 مليۆن و 706 هزار و 151 هزار به‌رميلێن په‌ترۆلێ ره‌وانه‌ى ده‌رڤه كرينه، كو دڤێ هه‌يڤا بورى دا بهايێ هه‌ر به‌رميله‌كا په‌ترولا عيراقێ ب كوژمێ 56.77 دولاران هاتيه فروتن ئانكو سه‌رجه‌مێ گشتى دبنه 6 مليار و 341 مليۆن و 553 هزار دولارێن ئه‌مريكى ب ڤێ شێوه‌ى:
1. 107 مليۆن و 520 هزار و 44 به‌رميل ژ كێلگه‌ها به‌سرا و ناڤه‌راستا عيراقێ بووينه.
2. 3 مليۆن و 253 هزار و 665 به‌رميل ژ كێلگه‌ها په‌ترولا كه‌ركووكێ هاتينه هنارتن.
3. 3 هزار و 479 به‌رميل برێيا ئوردنێ هاتينه هنارتن.