دۆنالد ترەمپ: دێ سزایێن گەلەک گران ب سەر عیراقێ دا سەپینین
ئەڤرۆ نیوز، زنار تۆڤی:
سەرۆکێ ئەمریکا دۆنالد ترەمپ دبێژیت: هەکە عیراق هێزێن مە ژ وەلاتێ خوە دەربکەت، دێ سزایێن گەلەگ گران ب سەردا سەپینین و دێ وان ملیار دۆلاران ژی ژێ وەرگرین، یێن کو مە ل بنگەهێن سەربازی یێن مەزن خەرجکرین.
د بەرسڤا رۆژنامەنڤیسان دا کو پرسیار ژ ترەمپی کرینە، دێ هەلویستێ وی چ بیت هەکە هێزێن وان ب قانوونی ژ عیراقێ بهێنە دەرکرن، دۆنالد ترەمپی گۆتیە دێ سزایێن وەسا ب سەردا سەپینین کو ل دەمێ بوری دا سزایێن وەسا نەبن.
سەرۆکێ ئەمریکا دبێژیت، هەکە ل عیراقێ هەر تووندوتیژیەک هەبیت یان هەر تشتەکێ بکەن کو بۆ مە نەیا گونجای بیت دێ سزایێن گەلەک گران ب سەر عیراقێدا سەپینین.
