چا‌وانیا پاراستنا ئوتێل و موتێلا ژ روودانێن ئاگرى هاتە گه‌نگه‌شه‌كرن
ئه‌ڤرۆ نیوز، نه‌وزاد هلۆرى:
رێڤه‌به‌ریا گشتى یا گه‌شت و گۆزار هه‌ڤكارى ل گه‌ل رێڤه‌به‌ریا گشتى یا به‌ره‌ڤانیا باژێرى ل دهۆكێ رابوو ب ئه‌نجامدانا رونشته‌كا ڤه‌كرى و خوله‌كێ بۆ هه‌موو ئوتێل و موتێلێن باژێرێ دهۆكێ ل ئاڤاهیێ ئوتێل هه‌لات، ب مه‌ره‌ما وێ یه‌كێ كو ب شێوازه‌كێ باشتر پێگیریێ ب سیسته‌مێ به‌ره‌ڤانیا باژێرى بكه‌ن.
محه‌مه‌د عه‌لى سه‌رۆكێ پشكا شیانێن مرۆڤى ل رێڤه‌به‌ریا گشتى یا گه‌شت و گۆزار ل پارێزگه‌ها دهۆكێ بۆ ئه‌ڤرۆ نیوز گۆت: (ب مه‌ره‌ما باشتر رێكخستنا كاروبارێن به‌ره‌ڤانیا باژێرى و گرێدانا سیسته‌مێ به‌ره‌ڤانیا باژێرى ل هه‌موو ئوتێل و موتێل و خوارنگه‌هان، رێڤه‌به‌ریا مه هه‌ڤكارى ل گه‌ل به‌ره‌ڤانیا باژێرى ل دهۆكێ رابوو ب ئه‌نجام دانا رونشته‌كێ و خوله‌كا تایبه‌ت بۆ هه‌موو ئوتێل و موتێلێن باژێرێ دهۆكێ داكو سه‌ر و مالێ وان ب شێوه‌یه‌كێ باشتر بهێته پاراستن ل هه‌موو روودانێن ئاگرى).
زێده‌تر گۆت: (ب سوپاسیڤه هژماره‌كا زۆرا ئوتێل و موتێل و خوارنگه‌هان پشكداربوون و بابه‌تێ خولێ ژى ب تێر و ته‌سه‌لى ژلایێ به‌ره‌ڤانیا باژێرى هاته شرۆڤه‌كرن، دخوازین كو ئه‌ڤ جهه ب شێوه‌یه‌كێ باشتر سیسته‌مێ به‌ره‌ڤانیا باژێرى بكاربینن).
