په‌یڤدارێ وه‌زاره‌تا ساخله‌میێ: پێگیریكرن ب رێنمایان دێ د پاراستی بن ژ ڤایرۆسێ كورونایێ
ئه‌ڤرۆ نیوز:
په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ راگه‌هاند: پیدڤیه تێكه‌لیكرن بهێته سنورداركرن هه‌كه مه‌ترسیا تووشبوونێ ب كورونایێ زێده‌تر دبیت.
پشتی توماركرنا 6 حاله‌تێن كورونایێ ل سلێمانیێ، ته‌ڤایا لایه‌نێن په‌یوه‌ندیدار ئاشكراكرن، كۆ پێدڤیه ته‌ڤایا هه‌لكه‌فت و پرسه و ئاهه‌نگ ل هه‌رێما كوردستانێ بهێنه راوه‌ستاندن و داخازا بجهكرنا رێنمایێن وه‌زاره‌تا ساخله‌میا حكومه‌تێ بكه‌ن.
د.محه‌مه‌د قادر په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ راگه‌هاند: تانوكه بتنێ 6 حاله‌ت هه‌نه، هه‌ر كه‌سێ نیشانه‌كا ڤایرۆسی هه‌بیت دێ چاڤدێریا وی و پشكنینێن پێدڤی بۆ هێنه‌كرن.
ناڤبری ئه‌و چه‌نده ژی راگه‌هاند: مه ئه‌ڤه چه‌ندین جارا راگه‌هاند و دێ هه‌ر بێژین دیر بكه‌ڤن ژ تێكه‌لی و جهێن قه‌ره‌بالغ و هاتنوچونێ سنوردار بكه‌ن، خو هه‌تا دناڤ ئه‌ندامێن خێزانێ ژی ژێك دیر بكه‌ڤن.