وه‌زاره‌تا ساخله‌میێ: 22 توشبوویێن نووی هاتنه توماركرن
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر د نووترین ئامارا ئه‌ڤرۆ ئێخسیته ری ل 24 ده‌مژمێرێن بوری ل هه‌موو هه‌رێما كوردستانێ 22 توشبوویێن نوو ب ڤایرۆسێ كورونایی هاتینه توماركرن.
ئه‌ڤه ژی ده‌قێ راگه‌هاندنا وه‌زاره‌تا ساخله‌میا هه‌رێما كوردستانێ یه:-
كۆ ماره‌یا راگه‌هاندنێ 26
ده‌ربارێ نه‌خوشیا ڤایرۆسێ كورنایا نوو كۆ COVID-19 ل هه‌رێما كوردستانێ، تیمێن ساخله‌میێ بۆ ڤه‌دیتن و پشكنینێن گومانلێكری یێن هه‌لگرێن ئه‌ڤی ڤایرۆسی رۆژانه به‌رده‌وامن.
- ژماره‌یا وه‌لاتیێن كۆ هاتنیه كه‌ره‌نتینه‌كرن 4593 وه‌لاتین ل 26 جهێن جودا، نوكه بتنێ 1528 وه‌لاتی ل كه‌ره‌نتینه‌كرنێ دانه، كۆ 808 كه‌س ل هه‌ولێری و 339 ل سلێمانێ و 233 ل دهۆكێ و 37 ل هه‌به‌جه و 32 ل گه‌رمیان و 54 ل راپره‌ین و 25 ل كویه و 3065 وه‌لاتی ژی ژ كه‌ره‌نتینه‌كرنێ ده‌ركه‌تینه و ڤه‌گه‌راینه مالێن خۆ پشتی ته‌مام بوونا ده‌می دو هه‌فتیان ل گه‌ل كه‌ره‌نتینه‌كرنا ژماره‌یه‌كا دی كۆ ئه‌ڤرۆ 33 وه‌لاتینه.
- ل 24 ده‌مژمێرێن بوری 260 پشكنین هاتینه ئه‌نجامدان كۆ 167 ل باژێرێ هه‌ولێرێ و 62 ل سلێمانێ و 22 ل دهۆكێ بوون.
ده‌ر ئه‌نجامێن وان پشكنینان ئه‌و 22 توشبوویێن نووی هاتنه توماركرن.
- ئاكنجیێن باژێرێ هه‌ولێرێ 11 كه‌س، كۆ 9 ژ وان كه‌س و كارێن توشبویێ سێبیریانه و 3 یێن دی ژی ب رێكا ئه‌و قوتابیێ به‌ری نوكه هاتیه كه‌ره‌نتینه‌كرن توشبووینه.
- پارێزگه‌ها سلێمانێ 10 كه‌س كۆ 2 ژ وان ئاكنجیێن باژێرێ سلێمانێ یه و 1 ژی ئاكنجیێ قه‌زا چه‌مچه‌ماله و 7 كه‌س ژی ئاكنجیێن قه‌زا ده‌ربه‌ندیخانن كۆ پێنج ژ وان كه‌س و كارێن ئه‌و توشبوویێ دهی نه.
- ته‌ڤایا گشتی یێن هه‌لگرێ ڤایرۆسێ كورونا نوی ل هه‌رێما كوردستانێ 76 توشبوونن، دناڤا وان دا ژی ئێك مریه، 13 ژی ب ته‌مامی ساخ بووینه و ئه‌ڤێن دی هه‌می ل بن چاڤدێریێ دانه.
زێده‌باری ده‌ست خوشیێ بۆ تیمێن وه‌زاره‌تا ساخله‌میی و تیمێن نوژداری كۆ د كاركرنێ دانه و سوپاس بۆ پێگیربوونا وه‌لاتیان ب مانا وان د مالین خودا و جاره‌كا دی هیڤێ دكه‌ین پێگیر بن ب رێنمایێن ساخله‌میێ ل مالێن خۆ دا بمینن و نه‌ده‌ركه‌ڤن تێكه‌لی و چونا ده‌ڤ ئێك نه‌كه‌ن ل ده‌می هه‌ر ره‌وشه‌كا نه چاڤه‌رێری په‌یوه‌ندێ ب هێلا گه‌رما ژماره 122 وێ ڤه بكه‌ن.
وه‌زاره‌تا ساخله‌میا كوردستانێ
حكومه‌تا هه‌ریما كوردستانێ
