کۆمپانیەکا راپرسیان: باوەریا خەلکی ب ئاکپارتیێ نەمایە
ئەڤرۆ نیوز:
کۆمپانیا ئاڤراسیا یا راپرسیان ل تورکیا راگەهاند کو هەکە نها ل تورکیا هەلبژارتن بهێنە کرن رێژا دەنگێ ئاکپارتیێ ٣٤% یە و رەنگە کێمتر ژی بیت و رێژا دەنگێ پارتا کۆماری ژی گەهشتیە ٢٨% و هەکە پارتا کۆماری ل گەل هەدەپێ و پارتا باش رێککەفتنەکێ بکەت دێ ب ساناهی ئەردۆگان ژ دەستهەلاتێ هێتە دوورخستن.
کەمال ئۆز کیراز سەرۆکێ کۆمپانیا ئاڤراسیا یا راپرسیان دیار ژی کر کو ژ بەر شەرێ ل لیبیا، سووریێ و دەستێوەردانێن ئەردۆگانی د کاروبارێن وەلاتێن دی تورکیا تووشی قەیرانەکا مەزن یا ئابووری هاتیە و وەلاتی رۆژ ب رۆژێ پتر ژ ئاکپارتیێ دوور دکەڤن، ب تایبەتی ژی ل دەڤەرێن کوردی ئێدی کەس دەنگێ خوە نادەتە ئاکپارتیێ.
