هه‌فتیا بهێت دێ گوبیتكا بلندا عیراق و مسر و ئوردن هێته سازكرن
ئه‌ڤرۆ نیوز:
د ئه‌ڤێ هه‌فتیێ دا گوبیتكا بلندا سێ قولی دناڤبه‌را مسر و ئوردن و عیراقێ هێته ئه‌نجام دان، دێ ئاریشه‌یێن ده‌ڤه‌رێ دانوستاندنێ ل سه‌ر كه‌ن.
دیوانا شاهنشینیا ئوردنێ راگه‌هاند گوبیتكا بلندا سێقولی ئاشكراكر كۆ بریاره د ئه‌ڤێ هه‌فتیێ دا ل باژێرێ عه‌مانا ئوردنێ بهێته بریڤه‌برن، هه‌ر ئێك ژ مسته‌فا كازمی سه‌رۆك وه‌زیرێ عیراقێ و عه‌بدلفه‌تاح سیسی سه‌رۆكێ مسرێ و شاهـ عه‌بدولا شاهێ ئوردنێ تێدا پكشدار بن.
دیوانا شاهنشینیا ئوردنێ ئه‌و چه‌نده ژی راگه‌هاند د ئه‌وێ گوبیتكا بلندا، كۆ سێ جاره دهێته ئه‌نجام دان، ئه‌ڤێ جارێ به‌حسێ پێشڤه‌برنا په‌یوه‌ندیێن هه‌رسێ وه‌لاتانان دبیاڤێن ئابووری و بازرگانی و وبه‌رهێنان و پێشهاتێن ده‌ڤه‌رێ هێته‌كرن.
گوبیتكا بلندا ئێكێ دناڤبه‌را ئه‌ڤان سێ وه‌لاتان ل ئایارا 2019 ل قاهیره هات بووكرن، یا دوێ ژی ل هه‌یڤا ئیلولا 2019 ل نیویوركێ هات بوو سازكرن.
