سێ رێڤه‌به‌رێن په‌روه‌ردێ یێن پارێزگه‌ها دهۆكێ هاتنە گوهۆرین
ئەڤرۆ نیۆز، بارزان مزوورى:
ئه‌ڤرۆ ده‌مژمێر 11 سپێدێ 4/11/2020 ب پشکداریا عومه‌ر عه‌لى تاها رێڤه‌به‌رێ گشتى یێ په‌روه‌ردا پارێزگه‌ها دهۆكێ و قائیمقامێ قەزا شێخان رێوره‌سمێن دانانا رێڤه‌به‌رێ نوو یێ په‌روه‌ردا شێخان هاتە ئه‌نجام دان ، دیسان رێڤه‌به‌رێ په‌روه‌ردا قه‌زا ئاكرێ هاتە دانان لدووڤ به‌رنامێ رێڤه‌به‌ریا گشتى سوبه‌هی پێنجشه‌مبى رێڤه‌به‌رى نوو یێ په‌روه‌ردا قه‌زا دهۆك یێ رۆژئاڤا دێ هێته دانان.
عومه‌ر عه‌لى تاها رێڤه‌به‌رێ گشتى یێ په‌روه‌ردا پارێزگه‌ها دهوك بۆ ئەڤرۆ نیۆز گۆت: لدووڤ فه‌رمانێن بۆ مه هاتین دێ سێ رێڤه‌به‌رێن په‌روه‌ردا هێنە گوگۆرین رێڤه‌به‌رێن نوو بۆ وان په‌روه‌ردا هاتینه ده‌ست نیشانكرن ئه‌وێن كه‌ڤن ئه‌ڤه هه‌شت سالا خزمه‌تا كه‌رتێ په‌روه‌ردێ كریه.
ناڤهاتى خویاكر ده‌ستپێكێ ب رێوره‌سم رێڤه‌به‌رێ په‌روه‌ردا قه‌زا شێخان هات گهورتن رێڤه‌به‌رێ نوى ده‌ست بكاربۆ بناڤێ فه‌ره‌چ ئوسمان لجهێ ئه‌سعه‌د محیەدین لدوڤ دا رێڤه‌به‌رێ په‌روه‌ردا قه‌زا ئاكرێ ده‌ست بكاربۆ بناڤێ كاروان زاهر ل جهێ ماموستا خه‌لیل.
ناڤهاتى گۆت: سوبەهی پێنجشەمبی، 4/11/2020 رێڤه‌به‌رێ په‌روه‌ردا قه‌زا دهوك رۆژئاڤا ل دهوك دهێته گوهۆرین رێڤه‌به‌رێ نوو ئوسمان سلێمان دێ لجهێ عومه‌ر قاسم هێتە دانان، ئه‌ڤان هه‌رسێ رێڤه‌به‌را خزمه‌ته‌ك مه‌زن بۆ كه‌رتێ په‌روه‌ردێ كریه كۆ ئه‌ڤه ماوێ هه‌شت سالانه وه‌ك رێڤه‌به‌ر خزمه‌تێ دكه‌ن، هه‌رسێ ژوان پلا سه‌رپه‌رشتیارا كارگێرى بۆ بۆ هاتیه دان كۆ پشتى ده‌ست ژ كاركێشانا وان ژ پلا رێڤه‌به‌رێ په‌روه‌ردێ دێ ده‌ست بكارێ خۆ كه‌ن وه‌كۆ سه‌رپه‌رشتیارێن كارگێرى.
رێڤه‌به‌رێ گشتى یێ په‌روه‌ردا پارێزگه‌ها دهۆکێ گۆت ژى :هه‌تا نها فه‌رمانا گوهۆرنا رێڤه‌به‌رێ په‌روه‌ردا زاخۆ نه‌هاتیه بۆمه وه‌ك رێڤه‌به‌ریا گشتى یا په‌روه‌ردا پارێزگه‌ها دهۆکێ.
