هژمارەکا پرۆژان دێ ل ناحیا ئه‌ترۆش هێنە چێكرن
ئه‌ڤرۆ نیوز،بارزان مزوورى:
شێردل سمۆ، رێڤه‌به‌رێ ناحیا ئه‌ترۆش بۆ ئه‌ڤرۆ نیوز گۆت: سێ پرۆژێن خزمه‌تگوزارى ل سنورێ ناحیا ئه‌ترۆش دهێنە دروست كرن ژ وان ژی پرۆژێ دروستكرنا رێیا گوندێ ئالوكا ب درێژاهیا چار كیلومه‌تر و نیڤا، دروستكرنا هوله‌كا ئه‌زموونا بۆ ئاماده‌یا ئه‌ترۆش و پرۆژێ دروستكرنا عمباره‌كا ئاڤێ ل گه‌ل هێلا راكێشانا ئاڤێ بۆ سه‌نته‌رێ باژێرێ ئه‌ترۆش.
ناڤهاتى خویاكر، ئه‌ڤ پرۆژه ب رێیا سندوقا گه‌شه‌پێدانا جڤاكى ب هه‌ڤكارى دگه‌ل كارگێریا پارێزگه‌ها دهوك دهێنه جێ به جێكرن بكۆژمێ 247 هزار دولاران سه‌رجه‌مێ هه‌رسێ پرۆژان.
ناڤهاتى گۆت: هه‌رسێ پرۆژه قوناغا 5% هاتینه دروست كرن كار ژى یێ ل سه‌ر به‌رده‌وامه ل نێزیك دێ كه‌ڤیته خزمه‌تا وه‌لاتیان ژبه‌ركۆ هه‌رسێ پرۆژه د به‌رژه‌وه‌ندیا وه‌لاتیان دابۆ تایبه‌ت پرۆژێ رێیا گوندێ ئالوكا وه‌رزێ زڤستانێ ره‌وشا وان به‌ره‌ڤ خرابیێ دچوو، گه‌له‌ك جاران كێشه بۆ وان په‌یدا دبوون.
