٣١ پرۆژێن چاندنێ ل ھەرێمێ ھاتینە پەسەندکرن
ئەڤرۆ نیۆز:
دەستەیا وەبەرھینانێ ل ھەرێما کوردستانێ دڤێت ب رێیا وەبەرھێنانێ کەرتێ چاندنێ ڤەژینیت و بەرپرسەکێ دەستەیێ ژی دبێژیت: ھەتا نوکە ٣١ پرۆژێن چاندنێ ھاتینە پەسەندکرن.
رێڤەبەرێ قانوونی و کارگێری ل دەستەیا وەبەرھینانا ھەرێما کوردستانێ دیار کر، لدووڤ وێ پلانا وان بۆ کەرتێ چاندنێ ل ھەرێما کوردستانێ دانای، پتریا پشک و بیاڤێن چاندنێ ل ھەرێما کوردستانێ دێ ھێنە ڤەژاندن و پێشڤەبرن، ئەو پرۆژێن د ناڤ پلانا راگەھاندی یا دەستەیا وەبەرھێنانێ د گشتگیرن و ١٦٢ پرۆژێن چاندنێ تێدانە.
موخلس سەلیم گۆت: ژ وان ١٦٢ پرۆژان، مە ٣١ پرۆژە پەسەندکرینە، پشتی کارێن پێدڤی و ب جھئینانا مەرجان و رێنمایان، دەستووریا دەست بکاربوونێ دێ بۆ ھێتەدان و پرۆژە دێ کەڤنە د بیاڤێ ب جھئینانێ دا.
ناڤهاتی گۆت ژی: ژ بلی ڤەژاندنا کەرتێ چاندنێ و بەرھەمێ ناڤخوە ل ھەرێما کوردستانێ، ب ھزاران دەلیڤێن کاری ژی بۆ وەلاتیان دێ ھێنە پەیداکرن.