چیایی ته‌یمور به‌ربژێرێ هه‌ژماره 22 ل بازنێ ئاكرێ – شێخان – به‌رده‌ره‌ش:دێ گرنگیه‌كا تایبه‌ت ب كه‌رتێ وه‌رزشێ ده‌م و ژێرخانا وێ ب تایبه‌ت ل هه‌رێما كوردستانێ
دیدار، بارزان مزووری:
چیایی ته‌یمور عه‌بدولا به‌ربژێرێ پارتی دیموكراتی كوردستان ب هه‌ژماره “22” ل بازنێ سێ ل ئاكرێ و به‌رده‌ره‌ش و شێخان د دیداره‌كا رۆژناما ئه‌ڤرۆ دا به‌حس ل كار و چالاكی و به‌رنامه‌یێ خوه یێ داهاتی دكه‌ت هه‌كه هات و ب باوه‌ریا جه‌ماوه‌ری بۆ ئه‌ندامێ جڤاتا نوونه‌رێن عیراقێ.
دده‌ته زانین كو ئه‌و دێ ل سه‌ر سه‌پاندنا دستووری و كار كرن پێ و مافێن جۆتیاران و پێشمه‌رگه‌یی و خه‌لكێ كوردستانێ و خوه‌شكرنا ژیارا وان كار كه‌ت. ئاماژێ ب وێ چه‌ندێ ژی دكه‌ت كو د وارێ وه‌رزشێ ژی دا وه‌كو تایبه‌تمه‌ندیا وی دێ بزاڤێ كه‌ت پتر گرنگی ب وه‌رزشێ بهێته دان و ب تایبه‌ت ل هه‌رێما كوردستانێ ب ره‌نگه‌كی كو ژێرخانه‌كا باشا وه‌رزشی بهێته ئاڤاكرن.
ئه‌ڤرۆ: چیایی ته‌یمور كی یه؟
چیایی ته‌یمور: ئه‌ز چیایی ته‌یمور عه‌بدولا به‌ربژێرێ پارتی دیموكراتی كوردستان ب هه‌ژماره “22” ل بازنێ سێ ل ئاكرێ و به‌رده‌ره‌ش و شێخان كورێ شه‌هیدی مه بنه‌مالا مه به‌رده‌وام كار كریه بۆ ب ده‌ست ڤه ئینانا مافێن وان د حوكمه‌تا به‌غدا دا.
ئه‌ڤرۆ: به‌رنامێ ته چیه؟
چیایی ته‌یمور: سوزێ دده‌م هه‌كه سه‌ر ده‌ست و ده‌نگێن خه‌لكی ده‌ركه‌فتم بوومه ئه‌ندامێ جڤاتا نوونه‌رێن عیراقێ د گه‌ل هه‌ڤالێن خوه یێن نوونه‌ر ب رژدی كار بكه‌م ئه‌و مافێن دستووری یێن ملله‌تێ كورد هاتینه چه‌سپاندن د دستوورێ عیراقێ دا پارێزگاریێ لێ بكه‌م نه‌هێلین نه‌حه‌ز و نه‌یارێن دوژمنێن مه وان ماددا بگۆڕن. دیسان دێ بزاڤێ كه‌ین ب رژدی ماددێ 140 كو مادده‌كێ دستووری یه د به‌رژه‌وه‌ندیا خه‌لكێ هه‌رێما كوردستانێ دایه تایبه‌ت ئه‌و ده‌ڤه‌رێن دبێژنێ ده‌رڤه‌یی ئیدارا هه‌رێما كوردستانێ دێ هه‌موو بزاڤا كه‌ین ئه‌و ده‌ڤه‌رێن هاتینه ته‌عریب كرن یێن كورد نشین دووباره وان گوندا ڤه‌گه‌رینین بۆ ئاكنجیێن وان یێن ره‌سه‌ن ژ به‌ر كو زولمه‌كا مه‌زن یا ل وان هاتیه كرن، خه‌لكێ مه تایبه‌ت یێن ده‌ڤه‌رێن ماددێ 140 هه‌رده‌م چاڤه‌رێ وێ چه‌ندێ نه كو ئه‌ڤ كێشه‌یه ئێكلا بیت بۆ ڤه‌گه‌ریانا ده‌ڤه‌رێن وان د ده‌ستێن حوكمه‌تا به‌غدا دا.
دیسا ئه‌ز وه‌كو كه‌سه‌كێ وه‌رزشكار كو دبوارێ وه‌رزشی دا من خزمه‌ته‌ك مه‌زن یا هه‌یی شه‌هره‌زایه‌ك باش یا هه‌یی د وه‌رزشێ دا دێ زێده‌تر گرنگیێ ده‌ینه كه‌رتێ وه‌رزشی هه‌ر ل عیراقێ و تایبه‌ت هه‌رێما كوردستانێ بۆ گه‌نجێن وه‌رزشكار ئه‌وێن هه‌رده‌م چاڤه‌رێ خزمه‌تێن وه‌رزشێ بۆ ده‌ڤه‌رێن وان تایبه‌ت په‌یداكرنا ژێرخانا وه‌رزشی و لاوان.
ئێكه‌م پێنگاڤا من د جڤاتا نوونه‌رێن عیراقێ دا دێ كاركه‌م ل سه‌ر كه‌یسێ قه‌رێن جۆتیارا ئه‌و جۆتیارێن سالا 2014_2015_2016 گه‌نمێ خوه دایه حوكمه‌تا به‌غدا هه‌تا نوكه پارێ وی گه‌نمی بۆ جۆتیارا نه‌هاتیه كو مافه‌كێ وان یێ ره‌وایه. ی نه‌دانا پارێن وان زولمه‌كا مه‌زنه به‌رامبه‌ری جۆتیارا هاتیه كرن ژ به‌ر كو جۆتیاری ب تنێ كارێ جۆتیاریێ یێ هه‌یی سالانه كار دكه‌ت بۆ به‌رهه‌م ئینانا گه‌نمی دیسان حوكمه‌تا عیراقێ ئه‌ڤ زولمه ل جۆتیاران كری ئه‌ڤه ئێكه‌م كارێ منه بۆ ڤه‌گه‌ریانا پارێ وان.
ئه‌ڤرۆ: د ناڤ به‌رنامێ پارتی دا دێ زێده‌تر گرنگیێ ب كیش ته‌وه‌ران ده‌یی؟
چیایی ته‌یمور: ئه‌و به‌رنامێ ئه‌ز ل دووڤ دچم بۆ ب ده‌ستڤه‌ئینانا مافێن ملله‌تێ كورد ل به‌غدا به‌رنامێ پارتی دیموكراتی كوردستانه گه‌له‌ك كه‌یس ل به‌غدا ئێكلا نه‌بووینه دێ كار كه‌م بۆ چاره‌سه‌كرنا وان كه‌یسا ئێك ژ وان كه‌یسێن گرنگ ماف و شایسته‌یێن پێشمه‌رگێن هه‌رێما كوردستانێ نه ب ئانه‌هیا خودێ دێ ده‌نگ و ره‌نگێن خه‌لكێ خوه بین هه‌ر تشتێ د به‌رژه‌وه‌ندیا ملله‌تێ كورد دا بیت ل به‌غدا دێ كار كه‌م بۆ ده‌ستڤه ئینانا وان مافێن وان.
ئێك ژ خالێن گرنگ كو كاری سه‌ر بكه‌ین پشتی خه‌لكی باوه‌ری دامه و بووینه نوونه‌ر دێ هه‌موو بزاڤا كه‌ین بۆدجا حوكمه‌تا هه‌رێما كوردستانێ ل به‌غدا نه‌هێته گیرۆ كرن د ده‌مێ خوه دا بهێته په‌سه‌ند كرن بێ لێبڕین بگه‌هیته هه‌رێما كوردستانێ ژ به‌ر كو ئه‌ڤه چه‌ندین ساله حوكمه‌تا عیراقێ په‌سه‌ندكرنا بۆدجێ هه‌رێمی د وه‌ختێ خوه دا په‌سه‌ند ناكه‌ت ده‌مێ په‌سه‌ند ژی دكه‌ت ب دروستی ناهێته هنارتن بۆ هه‌رێما كوردستانێ ئه‌ڤه كێشا هه‌ره سه‌ره‌كی یه هه‌ر سال ئه‌ڤ كێشه‌یه هه‌تا دهێته چاره‌سه‌ركرن و په‌سه‌ند كرن سه‌دان ئاسته‌نگ ژ لایێ په‌رله‌منتار و حوكمه‌تا به‌غدا دئێن د رێكا نوونه‌رێن كورد دا بۆ په‌سه‌ند كرنا بۆدجێ دێ به‌رده‌وام سه‌ر هێل بم دا بزانم كا ئه‌گه‌ر چی یه حوكمه‌تا عیراقێ ڤان هه‌موو ئاسته‌نگا بۆ حوكمه‌تا هه‌رێما كوردستانێ دئینیته پێش مانه مافێ مه‌یه بۆچی حوكمه‌تا عیراقێ ڤێ رێ دده‌ته خوه.
ئێك ژ پرۆژێن مه بۆ جڤاتا نوونه‌رێن عیراقێ كار بهێته كرن بۆ ڤه‌گه‌ریانا ئاوارێن شه‌نگال و ده‌شتا مووسل و د ناڤ سه‌نته‌رێ مووسل كو ل گه‌ل حوكمه‌تا به‌غدا ژ به‌ر كو هه‌تا نوكه ئه‌و ئاواره چاڤه‌رێ ڤه‌كه‌ریانا خوه نه‌كریه ژ به‌ر نه ئاڤه‌دانكرنا ده‌ڤه‌رێن وان یێن ده‌ستێ داعش دا هاتینه په‌قاندن دێ كار كه‌ین ل گه‌ل حوكمه‌تا به‌غدا و رێكخراوێن بیانی و ناڤخۆ كو بهێنه شنگال و ده‌ڤه‌رێن دی یێن بووینه كاڤل بهێنه ئاڤاكرن دا ئاواره ڤه‌گه‌رنه ده‌ڤه‌رێن خوه.
خه‌لكێ مه هه‌رده‌م چاڤه‌رێ خوه‌شكرنا ژیانه‌كێ نه كو به‌رده‌وام شایسته‌ییێن وان بهێنه دابینكرن بۆ گوهۆڕینا سیما و جوانیا ده‌ڤه‌رێن وان ژ روویێ گه‌هاندنا پرۆژێن خزمه‌تگوزاری.
ئه‌ڤرۆ: بۆ ده‌ڤه‌را ئاكرێ و شێخان و به‌رده‌ره‌ش د شیان دایه چو بكه‌یی وه‌كو سنورێ ته؟
چیایی ته‌یمور: ده‌ڤه‌را شێخان و ئاكرێ و به‌رده‌ره‌ش هه‌رسێ ده‌ڤه‌ر گرنگترین ده‌ڤه‌رێن چاندنێ دهێنه هه‌ژمارتن. ئه‌ڤه چه‌ندین ساله حوكمه‌تا عیراقێ شایسته‌یێن وان ب دروستی دابین ناكه‌ت تایبه‌ت شێخان ژ وان شایسته‌یا دابینكرنا كێمیا و تۆڤێ گه‌نمی و گازا سپی ئه‌گه‌ر دابین ژی بكه‌ت ب دروستی نه، له‌ورا سوزێ دده‌مه خه‌لكێ خوه دێ هه‌موو شیانێن خوه مه‌زێخم بۆ ب ده‌ستڤه‌ئینانا شایسته‌یێن وان جۆتیارا كو هه‌یڤانه ده‌مێ شوونكرنا به‌رهه‌مێ چاندنێ ئه‌و هه‌موو پێدڤی یێن چاندنێ دده‌مێ خوه دا بهێنه دابینكرن.
راسته ئه‌ڤ ده‌ڤه‌ره دو ئیداره‌یی یه، به‌لێ مافێ خه‌لكێ ڤێ ده‌ڤه‌رێ یه وه‌زاره‌تا چاندنێ یا عیراقێ هاریكاری یێن چاندنێ بۆ جۆتیارا دابین بكه‌ت. دێ هه‌موو بزاڤا كه‌م مافێن وان نه‌هێنه بن پێ كرن ئه‌م دێ بینه نوونه‌رێن ڤان جۆتیارا د حوكمه‌تا عیراقێ دا هه‌رده‌م دێ قه‌له‌مێ مه یێ بلند بیت بۆ ب ده‌ستڤه ئینانا مافێن جۆتیاران.
