بریاره پشكه‌كا قوتابخانا ئاكرێ ببیته موزه‌خه‌نه‌كا په‌روه‌رده‌یی
ئاكرێ،ره‌مه‌زان زه‌كه‌ریا:
ئه‌ڤ ساڵه ژیێ قوتابخانا ئاكرێ یا بنه‌ره‌ت سه‌ده‌یه‌ك ده‌ربازكرو ژیێ وێ بوو 101 ساڵ و هه‌تا نوكه ژی پروسا په‌روه‌رده‌و فێركرنێ ل قوتابخانا ئاكرێ یا بنه‌ره‌ت به‌رده‌وامه و ئاڤاهی ژی وه‌ك خۆمایه.
ماموستا شه‌مال ، رێڤه‌به‌رێ قوتابخانا ئاكرێ یا بنه‌ره‌ت بۆ رۆژناما ئه‌ڤرۆ راگه‌هاند : به‌ری یا 101 سالان قوتابخانا ئاكرێ یا بنه‌ره‌ت هاتیه ئاڤاكرن ل سالا 1920 ئێكه‌م جار ئاڤاهیێ وێ ل ئاكرێ یا كه‌ڤن بوو، پاشی هاته ڤه گوهاستن و ل گه‌ره‌كا قاپه‌كی ل سه‌نته‌رێ ئاكرێ هاته ڤه‌كرن و هه‌تا نۆكه ئه‌و ئاڤاهی مایه‌و خواندن ژی پشتی 101 سالان تێدا به‌رده‌وامه ئاڤا هی وه‌ك خۆمایه سه‌ره‌رای كه‌ڤناریا وی به‌لێ یێ دروسته.
ئاشكراكر : قوتابخانا ئاكرێ یا بنه‌ره‌ت مێژوویه‌كا كه‌ڤنار هه‌یه و چه‌ندین به‌رپرسێن پله بلندو وه‌زیرو كارب ده‌ستێن كوردستانێ ل قوتابخانا ئاكرێ بنه‌ره‌ت خواندیه ، بریار بوو سالا 2020 پێشانگه‌هه‌كێ ڤه‌كه‌ین و ناڤ و وێنه‌ێن وان قوتابیێن سه‌رده‌مێ به‌رێ ل قوتابخانا ئاكرێ بنه‌ره‌ت دخواند به‌لاڤكه‌ین به‌لێ كۆرۆنا بۆ رێگر ژبه‌ركو گه‌له‌ك قوتابیێن قوتابخانا ئاكرێ بنه‌ره‌ت بۆینه وه‌زیرو پۆستێن بلند وه‌رگرتینه.
گۆتژی: هه‌تا نۆكه قوتابخانا ئاكرێ یا بنه‌ره‌ت 13 رێڤه‌به‌ر گوهرینه هنده‌ك رێڤه‌به‌ر قوتابی بوونه ل قوتابخانا ئاكرێ یا بنه‌ره‌ت و دووڤ را بووینه مامۆستا ل هه‌مان قوتابخانێ و بووینه رێڤه‌به‌رو خانه‌نشین بووینه و هه‌تا نۆكه ژی خواندن به‌رده‌وامه تێدا ل رێزا ئێكێ بنه‌ره‌تی هه‌تا نه‌هێ قوتابی هه‌نه و به‌رده‌وامیێ ب خواندنا خوه دده‌ن.
خویاكر : سالا 2020 مه به‌رهه‌ڤی كربوون كو پێشانگه‌هه‌كا ئه‌رشیڤێ قوتابخانێ ل ده‌مێ 100 سالێن بووری ڤه‌كه‌ین به‌لێ ڤایرۆسێ كۆرۆنا بۆ رێگر ل ڤه‌كرنا پێشانگه‌هێ كو دناڤا پێشانگه‌هێ دا گه‌له‌ك بابه‌ت هێنه نیشاندان به‌لێ كۆرۆنا بۆ رێگر ل ڤه‌كرنا وێ پێشانگه‌هێ.
ئه‌و ژی گوت : به‌رهه‌ڤیێن باش هاتینه كرن بۆ وێ چه‌ندێ پشه‌كه‌كا قوتابخانا ئاكرێ بنه‌ره‌ت ببیته موزه‌خانه‌یه‌كا په‌ره‌وه‌رده‌یی گه‌له‌ك كار بۆ ڤێ چه‌ندێ هاتیه كرن بۆ وێ ئێكی هه‌موو كه‌ره‌سته‌یێن كه‌ڤنێن قوتابخانا ئاكرێ بنه‌ره‌ت كۆ نوكه ژیێ وێ 101 سالن تێدا بهێنه پاراستن.
