زانكۆ كدخه‌مسارن دپێگه‌هاندنا كادرێ ئه‌كادیمی یێ میدیایێ دا
حه‌له‌بچه، عه‌زیز هه‌ورامی:
ره‌خنێن توند ل هه‌مبه‌ری كولیژێن راگه‌هاندنێ ل كوردستانێ دهێته كرن كو نه‌شیاینه كادرێ ئه‌كادیمی و پروفیشنال به‌رهه‌م بینن و بێخنه دبازارێ میدیایێ دا و ئه‌و میدیاكاریێن ژ زانكۆیان ده‌رچن نه‌شیاینه وه‌كو پێدڤی ل كه‌نالان دا رولێ خوه هه‌بییت.
د. شوان ئاده‌م سه‌رۆكێ رێكخراوا چاڤدێریا میدیایی یا كوردی بۆ به‌رپه‌رێ په‌روه‌رده و زانكۆ یێ رۆژناما ئه‌ڤرۆ گۆت: مه ل گه‌ل زانكویان دێ كونفره‌نسه‌كێ تایبه‌ت هه‌بیت ل سه‌ر په‌روه‌رده و میدیا باش ل كوردستانێ و پێدڤیه میدیایه‌كا باش ل ل زانكۆیان هه‌بیت نه‌وه‌كو میدیایا نوكه چ ئه‌ته‌كێتان په‌یره‌و ناكه‌ن و په‌یاما په‌روه‌ردێ ناگه‌هینن و ل دوومااهیا كونفره‌نسی دێ مه كومه كا راسپاردان هه‌بیت بۆ كه‌نالێن راگه‌هاندنێ و وه‌زاره‌تا په‌روه‌ردێ و خاندنا بلند و ره‌وشه‌نبیری ژبۆ ئارمانجا كاركرن ل سه‌ر ڤێ چه‌ندێ زێده‌ترژی گۆت: رولێ زانكو یێ دریچكخستنا میدیایی دا دڤێت روله‌كێ ئه‌كادیمی بیت و پرۆگرامێن خانجدنا میدیایی ل زانكۆیان پێدڤیه درێكخستی بن و ئه‌ڤا نوكه هه‌ی ره‌نگه دئاستێ پێدڤی دانینه و دڤێت به‌رده‌وام بهێته نویكرن و زانكو دشێن رولێ خوه بینن و ب روینشتنا ل گه‌ل په‌رله‌مانێ كوردستانێ بكه‌ن ژبۆ ده‌ركرنا پرۆژه قانونه‌كێ ئه‌و چه‌نده‌ژی گۆت: میدیا ل كوردستانێ پویته ب لایه‌نێ په‌روه‌رده‌یی و ده‌رونی و كومه‌لایه‌تی و قانونی پێشه‌یی ناده‌ت مه‌ره‌مامه ژ كارێ مه ئه‌وه میدیایه‌كێ به‌رهه‌م بینین به‌ر پرسیار بیت ژ زارۆك و گه‌نجان و مه‌زن كو په‌یاما میدیایی په‌روه‌ردێ ئئامرازو ئاراسته بكه‌ت نه‌كو په‌یامه‌كا توندو تیژی بكه‌ت و دڤێت میدیایه‌كا باش بهێته په‌روه‌رده‌كرن دور بیت ل ئه‌ته‌كیت دهێنه سه‌ر شاشێ و دناڤا رۆژنامێ و رادیویێ و ب چو شێوه پرسیار دكه‌ت و به‌رنامان به‌رهه‌م بینن و ب پشتراستی ڤه زانكۆ كه‌مته‌ر خه‌م بوون د پێگه‌هاندنا كادرێ راگه‌هاندكار و ئه‌وا ناڤه‌ندا ئه‌كادیمیان دا كری پشكه‌كا به‌رپرسیاران ئێخسته ستویێ مه بۆچی ئه‌و میدیاكار ده‌مێ ژ زانكۆیان ده‌رچن نه‌شیاینه وه‌كو پێدڤی ل كه‌نالان دا رولێ خوه هه‌بییت.
