مێژوویا دروستكرنا شوونه‌وارێ زریمۆك بۆ ئاینێن به‌ری ئیسلامێ ڤه‌دگه‌ریت
ئه‌ڤرۆ، ره‌مه‌زان زه‌كه‌ریا:
شوونه‌وارێ زریمۆك دكه‌ڤیته ده‌ڤه‌را بارزان ل باژێركێ بلێ ژ جهه‌كێ دیرۆكیێ به‌رچاڤه و هه‌تا نۆكه هاتیه پاراستن و ئه‌ڤ جهێ شوونه‌واری و به‌ریا چه‌ند سالان ژلایێ بنگه‌هێ شوونه‌وارێ مێرگه‌سۆرڤه هاتیه تۆماركرن.
نڤیسه‌ر حازم محه‌مه‌د بله‌یی، ل دوور شونه‌وارێ زریمۆك بۆ ئه‌ڤرۆ گۆت: ل گۆر ڤه‌كۆلینێن شونه‌وارناس عه‌بدولخالق سه‌رسام، زریمۆك جهه‌كێ به‌رفره‌هه ب ره‌خڤه جهه‌ك هه‌یه یێ به‌رنیاسه ب كه‌ڤرێ مه‌یتا، ئه‌ڤێن به‌رێ پشكنین دكرن وه‌ها دزانی كو ئه‌ڤ مه‌یتێن ب ئاڤا رووباری دا دهێن ئه‌ڤ كه‌ڤره بۆ وانه، چونكی وان نه‌دزانی ئه‌ڤه بۆ مه‌یتێن زه‌رده‌شتیانه نه‌ك بۆ ئه‌ڤ مه‌یتێن ب رووباری دا دهێن و ل ڤێرێ دمینن كو بینن ده‌رێ.
گۆت ژی: په‌رتووكێن دیرۆكی وه‌سا دده‌ن دیاركرن كو زریمۆك دوخمه‌كێ زه‌رده‌شتیایه ل به‌رێ ب ئه‌ڤی دوخمه‌ی دگۆت دێیێ خامۆشان گوندێ بێ ده‌نگا یان جهێ ئارام ل ناڤ فارس و هندیا دبێژنێ خمۆ ل ناڤ ئینگلیزا دبێژنێ tower of sigh lent ئه‌ڤه جهه‌ك بوو كو مه‌یتا دانێنه سه‌ر ژ به‌ر هندێ ل په‌رتووكه‌كا فارسیدا به‌حسێ دابونه‌ریتێن مه‌زهه‌بی و مه‌راسیمێن زه‌رده‌شتیا دكه‌ت ل نڤیسینا موبه‌د ئه‌رده‌شێر ئازه‌ر گوشب، د ڤێ په‌رتوكێدا ب درێژی به‌حسێ هه‌می تشته‌كێ زه‌رده‌شتیا دكه‌ت.
خویاكر: ئه‌ڤ جهه هه‌موویێ هاتیه هه‌لكولین جهێ زه‌لاما یێ ل رێزا سه‌ری هه‌ر جهه‌ك بۆ مه‌یته‌كی هاتیه چێكرن و دیواره‌ك یێ هاتیه هه‌لكۆلین ل ڤی كه‌ڤری و ئه‌ڤ دیواره ژی بۆ ڤێ چه‌ندێیه دا ئاڤا هه‌ر ئێك ل ڤان جهانه تێكه‌لی ئێك نه‌بیت، زه‌رده‌شتیا پشتی مرنا زه‌لاما هێز و شیانێن بۆ دانای هه‌روه‌كی ل سه‌ر شونه‌واری یا دیاره ل ریزا سه‌رڤه و ل جهێ دور مه‌یتێ وی یێ دانای و جهی وی دریژتره و ل مابه‌ینا ئه‌ڤ جهی خه‌ت خه‌ت كری، پاشی جهێ ئافره‌تا دهێت جهێ وی بچووك تره و یێ درێژ نینه و به‌ر شێوی ئافره‌تێ ل ده‌ف كۆركا هه‌ستیكا جهێ زارۆكا دهێت و ئه‌ڤ چه‌نده پشت راست دكه‌ت شونه‌واره‌كێ زه‌رده‌شتیه.
ئاشكرا كر: ژ به‌ر ڤی چه‌ندێ ئه‌ڤه جهه‌كێ چیاییه و نابیت ئاخ تێدا هه‌بیت و رووبارێ هه‌ی پیدڤیه ل جهه‌كێ بلند بیت، ئه‌ڤه هه‌می مه‌رج بوون بۆ ئاینێ زه‌رده‌شتی، ئه‌ڤ دوخمێ زریمۆكی هه‌موو مه‌رجه‌كێ زه‌رده‌شتیا یێ تێدا هه‌ی. ده‌ردۆری وێ ئاڤه‌دان بوویه ل ده‌مێ خۆه‌دا ژ بن ئاخێ خانیێن هاتینه ڤه‌دیتن و جوهی و كریستیانا ژی یێن هه‌ی و ئه‌ڤه قه‌ده‌غه نه‌بووینه. به‌لێ زه‌رده‌شتی به‌ری وان بووینه ئه‌ڤ دوخمه‌یێ هاتیه ڤه‌دیتن ئه‌گه‌ر مه بڤێت شاره‌زایا دیرۆكا خۆ ببین پێدڤیه ل زمانی خۆشاره‌زا بین، چونكی زمان پشكه‌كه ژ دیرۆكا مه.
