رێڤه‌به‌ره‌ك: ئه‌ڤ ساله ژی قوتابی نه‌شێن هه‌موو په‌رتوكێن خوه ب دووماهی بینن.
ئه‌ڤرۆ هه‌رهین محه‌مه‌د:
رێڤه‌به‌رێ قوتابخانا 14 ئادارێ دیاركركو ئه‌و وانێن ل سالا بوری ل ده‌ستپێكا ده‌واما قوتابخانێ ده‌مێ پازده رۆژان دا هاتینه خاندن چو بریار نه هاتینه ب وان وانان تاقیكرن بهێنه كرن، چونكو قوتابیان چو مفا ژێ نه دیت و ب خاندنا واتنێن سالا بوری ل ئه‌ڤ ساله كارتێكرن ل ئه‌ڤ ساله كریه و قوتابی ناگه‌هن هه‌موو په‌رتوكان ب دووماهی بینن .
به‌یار عیسا محه‌مه‌د، رێڤه‌به‌رێ قوتابخانا 14 ئادارێ بۆ به‌رپه‌رێ په‌روه‌رده‌و زانكۆ یێ رۆژناما ئه‌ڤرۆ گۆت: راسته ل ده‌ستپێكا ده‌وامێ بریار هاتبوو كو قوتابێن هه‌ر قوناغه‌كێ دڤێت په‌رتوكێن سالا بوری بخوینن، به‌لێ چو بریار نه‌هاتینه قوتابی تاقیكرنا ب وان وانێن سالا بوری بكه‌ن و دبینم بتنێ لێ زڤرینه‌ك بوو بۆ قوتابیان، به‌لێ شێوه‌كێ بله‌ز قوتابیان خاند و قوتابی و ماموستا نه‌شێن ئه‌و په‌رتوكا دساله‌كێ دا خاندی د پازده رۆژا ب دووماهیی بینن و هه‌ردیسان ئه‌و پازده رۆژه ژی دێ بنه ئه‌گه‌ر ئه‌ڤ ساله دبیت قوتابی نه‌شێن په‌رتوكێن خوه ب دووماهی بینن و قوتابیان ژی چو مفا ژ وان وانان نه‌دیتیه بتنێ ده‌م بوراندن بوو و گه‌له‌ك ده‌یك بابێن قوتابیان ژی گازده ژڤی تشتی دكرن و یا ژ وان ڤه زارۆێن وان یێن ڤه‌ماینه ل پولا خوه و قوتابیان بخوه ژی گێولێ وان ل ده‌وامێ و خاندنێ نه‌دا، چونكو هه‌ر دوسێ رۆژا دحه‌فتیێ دا نه چوونه قوتابخانێ و بتنێ گێولێ وان ل سه‌ر ئایپاتی و یاریان و رۆژا قوتابی نه هاتبا قوتابخانێ ژی ئه‌و رۆژه نه‌دهاته نڤیسین كو وێ رۆژێ نه‌هاتیه و هه‌ردیسان 80% هزارا ماموستایان ژی وه‌كو یا قوتابیان بۆ گه‌له‌ك جاران ماموستایان دگۆت ماموستا دبیت فلان رۆژێ بهێن ڤه‌دان بیت و ئه‌ڤبریاره دبه‌رژوه‌ندیا قوتابخانا من دا نه‌بوو من نێزیكی هزار قوتابیان هه‌نه و هه‌رده‌وامه‌كێ پێنچ سه‌د قوتابی لێ دخوینن و ده‌مێ كورونایێ دا بریار هاته دان قوتابی بهێنه ژێكڤه‌كرن و پێدڤی بۆ هه‌ر قوتابیه‌ك ل سه‌ر ئێك كورسی ب روینت و ب ڤی ره‌نگی بوونه گه‌له‌ك پول و ماموستا ژی مه گه‌له‌ك نه‌بوون، به‌لێ ب رێژا 99% قوتابی ب سه‌ر كه‌فتن و ده‌رچوون.
رێڤه‌به‌رێ قوتابخانا 14 ئادارێ ئه‌و چه‌نده‌ژی گۆت: سالا بوری هه‌موو قوتابیان ئونلاین دخاند و هه‌موو دایك و بابا حه‌زدكر زارۆیێ وان بچیته دهولا خاندنێ ڤه و ئه‌ڤ ساله ژی بریار هات كو هه‌ر قوتابیه‌كێ بڤێت ئونلاین بخوینت و ئه‌ڤ ساله ژی بتنێ من سێ قوتابی هه‌نه ئونلاین دخوینن و ئه‌و ژی وان ژبه‌ر چه‌ند ئه‌گه‌ران وان كریه ئونلاین و دیسان دایك و بابێن گه‌له‌ك قوتابیان ژی ل گه‌ل سیسته‌مێ ئونلاین نه‌هند دشاره‌زانه و چو بینیات بۆ سیسته‌مێ ئونلاین نینه و ئه‌ز رێژا 1% سه‌ركه‌فتنێ ده‌مێ، چونكو ده‌مێ من دیتی قوتابیان ته‌ماشه‌ی موبایلێ دكر ژبۆ گوهدانا وانا خوه قوتابی دچوو هزره‌كا دی و، ژبه‌ركو بتنێ وی موبایل دیتیه ژبۆ پێكرنا یاریا زێده‌ترژی گۆت: و ئاریشا مه یا سه‌ره‌كی نه‌بوونا ماموستایانه، به‌لێ بۆ مه وانه‌بێژ هاتینه و هه‌ردیسان مه ئاریشه دئاڤێ و جهێ ده‌ست ئاڤێ هه‌بوون، به‌لێ ب هاریكاریا رێكخراوا یونسێڤ هه‌موو ئاریشێن مه چاره‌سه‌ربوون .
