سه‌رپه‌رشته‌كێ په‌روه‌ردێ : %40 كه‌رتێ په‌روه‌ردێ مفا ژ ته‌كنه‌لۆژیایێ وه‌رگرتیه
ئاكرێ،ره‌مه‌زان زه‌كه‌ریا:
سیسته‌مێ بریتش كانسل كو سیسته‌مه‌كێ كوردستانی یه و مفا ژ سیسته‌مێ په‌روه‌ردا به‌رتیانیا هاتیه وه‌رگرتن ل هه‌رێما كوردستانێ ب بریاره‌كا وه‌زاه‌رتا په‌روه‌ردێ هاتیه گشتگیركرن ب سه‌ر هه‌موو قوتابخانا هاتیه به‌لاڤ كرن و پتر گرێدایه ب سیسته‌مێ ئه‌نترنێت و ته‌كنه‌لۆژیایێ ڤه ، سه‌رپه‌رشته‌كێ په‌روه‌ردا ئاكرێ ئاماژێ ب ئاسته‌نگێن هه‌مبه‌ر سیسته‌مێ نویێ بریتش كانسل و ته‌كنه‌لۆژیایێ دكه‌ت كو نه‌شیانه وه‌ك پێدڤی مفای ژێ بینن ژبه‌ر چه‌ند ئه‌گه‌ران.
شه‌عبان ئه‌حمه‌د ، سه‌رپه‌رشتێ ئێكێ یێ ئاماده‌یی ل په‌روه‌ردا ئاكرێ ، بۆ ئه‌ڤرۆ گوت : سیسته‌مێ بریتس كانسل ده‌مێ چه‌ندین سالایه هه‌یه 2008 ده‌ستپێكر ل چه‌ند قوتابخانا هاته دانان ، بریتش كانسل سیسته‌مه‌كێ به‌ریتانی نییه سیسته‌مه‌كێ كوردستانییه مفا ژ سیسته‌مێ په‌روه‌رده‌یی به‌رتیانی و چه‌ندین ولاتێن دی وه‌رگرتیه ل كوردستانێ كار پێ دهێته كرن ئه‌ڤ سیسته‌مه پتر گرنگیێ ده‌ته هه‌یكه‌لی ناف قوتابخانێ وه‌ك بوارێ كارگێری و بلند كرنا ئاستێ زانستی یێ قوتابیان دگه‌ل هوشیاركرنا ئاستێ هزری یێ قوتابیان ، ئه‌ڤ سیسته‌مه هه‌مه جۆره هه‌موو بوارێن قوتابخانێ بخوڤه‌دگریت ل بوارێ تاقیگه‌ه و پاكژ راگرتنێ و هه‌لسه‌نگاندن بۆ دهێته كرن پشتی ساله‌كێ كو ب دروستی بنایتنا شیانا ئانكو ئاڤاكرنا شیانێن قوتابی ئه‌ڤ سیسته‌مه هاتیه په‌یره‌و كرن سالا 2019 هاته دانانان ل چه‌ند قوتابخانا به‌لێ ژبه‌ر ڤایرۆسێ كۆرۆنا ب سستی ب رێڤه‌چوو ، به‌لێ یێ هه‌یڤا 11 سالا 2021 هاتیه دانان به‌رده‌وام لیژنه‌یه‌ك هه‌لسه‌نگاندنا سیسته‌مێ ئاڤاكرنا شیانا دكه‌ن ل قوتابخانا.
شه‌عبان گوتژی : مه لیژنا بنیا جۆری هه‌یه ژ چه‌ند كه‌سا پێكدهێت به‌رپرسێن ئێكه‌یا و سه‌رپه‌رشتێن ئێكه‌یێ دگه‌ل دوو راهێنه‌رێن شاره‌زا ل بوارێ سیسته‌می كار لسه‌ر دكه‌ین و ده‌ستنیشان دكه‌ین لیژنه مه دابه‌شكرینه لسه‌ر قوتابخانا ل دوور زانینا ئاستێ زانستی یێ ماموستا و قوتابیان دگه‌ل شێوازێ خواندنا سیسته‌مێ ئاڤاكرنا شیانا ،ئه‌ڤ سیسته‌مه بۆیه كو گه‌هه‌ك بۆ كۆمكرنا هه‌موو پێدڤیێن قوتابخانێ وه‌ك داتا و پێزانین یێن قوتابی و ماموستا و سه‌میانێن قوتابیان به‌رده‌وام ئه‌م دایك و باب پشته‌ڤان نه‌بن باشتركرنا ره‌وشا قوتابیان ب ساناهی نینه ، ئه‌م ب درێژاهیا سالێ به‌رده‌وام دووڤچوونا باشتركرنا ره‌وشا قوتابیان دكه‌ین .ئه‌م به‌رده‌وام بزاڤێ دكه‌ین ئاستێ قوتابی به‌رده‌وام بلند تر بكه‌ین ، پێدڤیه ئاستێ قوتابی ب رێكا به‌ریكانێن زانستی و چه‌ندین رێكێن دی هه‌لسه‌نگاندن بۆ بهێته كرن .پێدڤیه دایك و باب به‌رده‌وام چاڤدێریا زارۆكێن خۆ یێن قوتابی بكه‌ن نابیت قوتابی دمالدا بهێته پشت گوهڤه هاڤێتن.هه‌رچالاكییه‌كا ل قوتابخانێ بهێته ئه‌نجامدان دهێته تۆماركرن ب ره‌نگه‌كێ گشتی هه‌موو داتایه‌ك ل سیسته‌می دهێته تۆرماكرن.
شه‌عبان سه‌رپه‌رشتێ ئێكێ ئاشكراكر : تا راده‌یه‌كێ مه شیایه مفای ژ ته‌كنه‌لۆژیایێ بینن به‌لێ گه‌له‌ك نه ژبه‌ركو ب تنێ رێژا 30 بۆ 40 % مه شیایه مفای ژ ته‌كنه‌لۆژیایێ بینین ، هه‌تا نوكه گه‌له‌ك مالان ل گوندا هه‌مووان ئه‌نته‌رنێت نینه و نه‌شیانه ئامێرێن زیره‌ك و ته‌كنه‌لۆژیایێ به‌رهه‌ڤ بكه‌ن بۆ قوتابیێن خۆ ل مالدا ،رێژا 95% قوتابخانێن سنوورێ په‌روه‌ردا ئاكرێ گروپ چێكرن هه‌ر ماموستایه‌كێ ب رێكا گروپا شیان وانه‌یا راسته‌وخۆ بخوینن ب ده‌نگ و ره‌نگ ئه‌گه‌ر ئه‌و كار یێ سه‌ركه‌فتی ژی نه‌بیت به‌لێ پرانیا قوتابخانێن ئاماده‌یی مفا ژ وێ چه‌ندێ دیت ب رێكا گروپا ، كه داخوازكر هه‌ر سه‌رپه‌رشته‌ك پشكداری گروپه‌كێ ببیت بۆ وێ چه‌ندێ چه‌وانیا گه‌هاندنا وانا ب قوتابیان ئاگه‌هدار بن ژبه‌ركو سه‌رپه‌رشتیار ئاگه‌هداری هه‌موو بزاڤێن قوتابخانێ یه له‌ورا ببوو ئه‌ندام دناڤ گروپا دا بۆ ده‌ستنیشانكرنا ئاستێ زانستی ب رێكا ته‌كنه‌لۆژیایێ .سه‌ره‌رای كۆ كۆرۆنا هه‌بوو وانه نه‌بوون گه‌له‌ك جارا مه مفا ژ كه‌نالێ په‌روه‌رده‌یی دیتیه كو هه‌موو وانه تۆماركرینه هه‌ر قوتابیه‌كێ بخوازیت مفای ژ كه‌نالێ په‌روه‌رده‌یی دهۆك ببینیت بۆ وان وانێن ئه‌و دخوازن.
