ئه‌مريكا: جيهانێ گه‌له‌ك پێدڤى ب كه‌سايه‌تيا سه‌رۆك بارزانى هه‌يه
ئه‌ڤرۆ نيوز:
سه‌رۆك بارزانى ل سه‌لاحه‌دين پێشوازيا بوب كوركێر سيناتورێ ويلايه‌تا تێنيسى ژ پارتا كومارى و به‌رپرسێ كوميتا په‌يوه‌نديێن ده‌رڤه ييێن جڤاتا پيران يا ئه‌مريكا كر.
د ديداره‌كێ دا سيناتور بوب كوركێر سه‌ره‌خوشى ل سه‌رۆك بارزانى و گه‌لێ كوردستانێ و خێزانێن وان پێشمه‌رگان كر كو د شه‌رێ دژى داعشا تيرورست دا گيانێ خوه ژ ده‌ستداين و شه‌هيد بووين و راگه‌هاند كو گه‌لێ ئه‌مريكا رێزه‌كا زور بۆ خه‌بات و به‌رخودانا گه‌لێ كوردستانێ هه‌يه، هه‌روه‌سا سه‌رساميا خوه و ئه‌مريكيان ب رۆل رۆلێ سه‌ركردايه‌تيا سه‌رۆك بارزانى د به‌رهنگاربوونا تيرورستان دا و پروسا سياسى راگه‌هاند و گۆت: د كه‌شه‌كێ هوسا پرى قه‌يران دا، سه‌رۆك بارزانى ئێك ژ وان كه‌سايه‌تيێن گرنگه كو جيهانێ گه‌له‌ك پێدڤى پێ هه‌ى.
