مامۆستایه‌كا زانكۆیێ: قوتابیێن زانكۆیێ حه‌ز وڤیان بۆ خواندنێ نینه وپێگیریا ده‌وامێ ژی ناكه‌ن
هه‌ولێر، سۆلین سلێمان:
مامۆستایا زانكۆیێ باران محه‌مه‌د سه‌باره‌ت ئاریشێن قوتابیان ل زانكۆیان تایبه‌ت بۆ رۆژناما ئه‌ڤرۆ دبێژیت، قوتابیێن زانكۆیێ حه‌ز و ڤیان بۆ خواندنێ نینه و پێگیریا ب ده‌وامێ ژی ناكه‌ن، له‌وما كڤاشتنێن ده‌رۆنی له‌سه‌ر زێده‌دبن.
مامۆستا باران محه‌مه‌د گۆت: ئاریشا قۆتابیان ئه‌وه كو پابه‌ندی ده‌وامێ نینه،ل رۆژانێن خواندنێ ژی حه‌ز وڤیانا خواندنێ نینه، له‌ورا دده‌مێ تاقیكرنان دا گڤاشتنێن ده‌رونێ ل سه‌ر زێده‌دبن، چونكی پشكداریا وی دواناندا نه‌بوویه به‌لكی بتنێ وی خواستیه مامۆستایێ بابه‌تی ب ره‌نگه‌كێ كورت و برێیا (مه‌لزه‌مێ) وێ وانێ بخوینت.
هه‌روه‌سا ماموستایا زانكۆیێ خوه‌یاكر، دده‌مێ تاقیكرنێ دا ئاریشا قوتابیان ئه‌وه كو ئه‌و قوتابی نه‌چار دبیت دده‌مه‌كێ دیاركری دا هه‌موو وانان بخوینیت بێكو هیچ مفایه‌كێ ژێ وه‌ربگریتن، دیسان ئاشكراكر، ئاریشه‌كا دیتر یا قوتابیان دڤێ وه‌رزی دا، ده‌مێ وی گه‌له‌كێ كێمه ژبه‌ر كو پڕانیا بێهنڤه‌دانان نه‌ڤه‌گه‌ریاینه هولێن خواندنێ پشكه‌كا زۆرا قوتابیان ئه‌گه‌ره‌كێ دینه بۆ دروستبوونا ڤێ ره‌وشا نه‌له‌بار بۆ خواندنێ.
مامۆستایا ناڤبری دیاركر، ل دووڤ پلانا سالانه‌یا برێیا لیژنان هاتینه دیاركرن، تاقیكرنێن سالانه بهێنه رێكخستن، ژبه‌ر هندێ ژی هه‌موو كولیژ و پشكێن وی كاروبارێن خوه ئه‌نجامبده‌ن بۆ دنانا ئه‌ندامه‌كێ به‌رپرسیار دلیژنا تاقیكرنێ دا، داكو بره‌نگه‌كێ باش ئه‌ركێ خوه ئه‌دا بكه‌ت، زێده‌باری دابینكرنا جه و هولێن باش بۆ ئه‌نجامدانا تاقیكرنان.
قوتابی ده‌ریا داوود ل كۆلیژا زمانێ فه‌ره‌نسی ل هه‌ولێرێ دبێژیت، وه‌كی قوتابیه‌كا پشكێن ناڤخوویی ل زانكۆیێ پڕانیا وانێن خویندنێ دده‌مێ پێدڤی دا ل به‌رده‌ستێن مه نینه داكو بشێین بخوینین، چونكی ئه‌م وه‌ك قوتابیێن پشكێن ناڤخوو مه ژبلی ئه‌ركێ خواندنێ هنده‌ك كارێن دیتر هه‌نه وه‌كی (پاقژكرن و دروستكرنا خوارنێ وراكرن ودانان) ئه‌ڤه هه‌موو ده‌مێ مه ب هه‌روه دچیت ودكوژیتن، هه‌ر چه‌نده ل ده‌مێ تاقیكرنان هه‌تا نوكه مه چو ئاریشێن مه‌زن نینه، ئه‌ڤه ژی بۆ رێبه‌ریا حكومه‌تا هه‌رێما كوردستانێ ڤه‌دگه‌ریتن ب سوپاسی ڤه، ل دووماهیێ هیڤیدارم هاریكاریا مه ژ ئالیێ مامۆستایان ڤه بهێته كرن.
كه‌ژال سالم قوتابیا قۆناغا سیێ یا پشكا ده‌رۆنزانی بۆ رۆژناما ئه‌ڤرۆ گۆت: ل پتریا كولیژان مامۆستایێن مه ئاریشێن مه به‌رچاڤ وه‌رناگرن، پتر گرنگیێ ب قوتابیێن ناڤه‌ندنا باژێری دده‌ن، هه‌روه‌سا ده‌مێ مه‌یێ خواندنێ یێ كێمه و جهێ نوكه ئه‌م تێدا گه‌له‌كێ به‌ر ته‌نگه، هیڤیدارێن جهێن تایبه‌ت و به‌رفره‌ه بۆ خواندنێ بهێنه دابینكرن.
له‌نیا ئیدریس قوتابیا كولیژا وه‌رزشی ل قوناغا سیێ به‌حسێ ئاریشێن خوه ل پشكێن ناڤخویی دكه‌ت و دبێژیتن، بڕینا كاره‌بێ ل پشكێن ناڤخوو ئاریشه‌یه، دهه‌مانده‌مدا ده‌وامێ كولیژێ ژی ب دره‌نگی ب دووماهی دهیت بۆ زانین ده‌رگه‌هێن پشكێن ناڤخوویی دهێتنه گرتن و كولیژا مه پشته‌ڤانیا مه ناكه‌ت بۆ چاره‌كرنا ڤێ ئاریشێ، هه‌روه‌سا دخوازین جوداهی د ناڤبه‌را پشكێن ناڤخوویی دا نه‌هێته كرن.
