ئاوه‌ره و په‌نابه‌ر پێدڤی هاریكارین به‌ردوامن
سێمێل، دلڤین ره‌شید
رێكخه‌رێ كه‌مپێن ئاوه‌ره و په‌نابه‌ران گوت: پێدڤیه زێده‌تر هاریكاریا ئاوه‌ره و په‌نابه‌ران بهێته كرن ،ژلایێ حكومه‌تا ناڤه‌ندیا عیراقێ و وان ریكخراوین نافخوی و نیڤده‌وله‌تی ڤه ژ بو هندی ره‌وشا ئاوه‌ره وپه‌نابه‌ران باشترببیت ،ئه‌و هه‌ست ب ژیانه‌كه ئارام بكه‌ن
خدر حسێن ره‌شید رێكخه‌رێ كه‌مپێن ئاوه‌ره و په‌نابه‌ران بۆ رۆژناما ئه‌ڤرۆ دیاركر، رۆژا جیهانیا په‌نابه‌ران ئه‌ڤ رۆژ ژلایێ نه‌ته‌وێن ئێك گرتی ڤه هه‌تیه ده‌ست نیشانكرن، هه‌رسال ب چالاكین جورا و جور ژ لایێن وان رێكخراوێن دبوارێن ماڤێ مرۆڤاتی دا كار دكه‌ن دهێنه رێكخستن ، هه‌ر رێكخراوه‌ك هه‌لگرێن په‌یامه‌كێ نه ژبۆ ساخكرنا ڤێ رۆژێ مه‌ره‌م ژێ ژی گه‌هشتن ب ئارمانج و هیڤیێن په‌نابه‌رانه.
گوت:سه‌ره‌رایی هه‌ولێن حكومه‌تی یێن به‌رده‌وام دڤان سالێن ده‌رباس بوی دا ژبۆ هاریكاریكرنا ئاوه‌ره و په‌نابه‌ران ،پێدڤیه به‌ردوام هاریكاریا وان بهێته كرن چ دناڤ كه‌مپان دا بن یان ژده‌رڤه‌ی كه‌مپان بن جونكی ماڤێ وانه یه د ژیانه‌ك خوش دا بژین.
خدر حسێن ئه‌و چه‌ند ژی دیاركر ،جهێ داخێیه كو ل ڤێ داوی كومه‌كه رێكخراوان هاریكارێن خوه قوت كرینه لسه‌ر ئاوه‌ره و په‌نابه‌ران ،ئه‌ڤ جه‌نده‌ژی بۆیه ئه‌گه‌رێ دلگرانیا وان بشێوازه‌كی كشتی ره‌شا ئاوه‌ره وپه‌نابه‌رانل ئاستێ پێدڤی نینه.
گوت: هه‌رێما كوردستانێ پێشه‌نگ بویه ژ بۆ دابین كرنا بنه‌ماێن ماڤێ مرۆڤی بۆ ئاوه‌ره و په‌نابه‌ران ،به‌رده‌وام بشته‌ڤانیا وان هاتیه كرن ژلایێ حكومه‌تی و ده‌زگه‌هێ خێرخوازیا بارزانی و چه‌ندین ریكخراوی دبوارێ ماڤێ مرۆڤی دا كار دكه‌ن.به‌لێ هه‌تا نها پاشه رۆژا وان دیار نینه كا ئه‌و دێ شێن زفرنه جه و وارێ خوه یان نه ،ژبه‌ر هه‌بونا وان چه‌كدارێن نها ل ده‌ڤه‌رێن وان هه‌ین.
ناڤهاتی گوت:ل سنورێ پارێزگه‌ها دهوك 20 كه‌مپێن ئاوه‌ره و په‌نابه‌ران هه‌نه، رێكخراوا خێرخوازی یا بارزانی شیایه ب رێكا ستانده‌رتێن جیهانێ رێڤه‌به‌ریا ڤان هه‌موو كه‌مپان بكه‌ت.به‌رده‌وام هه‌ماهنگی هه‌یه دگه‌ل ریكخراوێن نافخوی و نێڤ ده‌وله‌تی ژبو هندی زێده‌تر ژیانا ئاوه‌ره و په‌نابه‌ران خوشتربكه‌ت .بگشتی چه‌ندین سكته‌ر هه‌نه دناڤ كه‌مپێن ئاوه‌ره و په‌نابه‌راندا مینا سكته‌رێ خوراكی و ئاڤ و ئاڤه رۆ و په‌روه‌رده و ساخله‌می….هتد.
ل دوماهیكی گوت: پێدڤیه زێده‌تر هاریكاریا ئاوه‌ره و په‌نابه‌ران بهێته كرن ،ژلایێ حكومه‌تا ناڤه‌ندیا عیراقێ و وان ریكخراوین نافخوی و نیڤده‌وله‌تی ڤه ژ بو هندی ره‌وشا ئاوه‌ره وپه‌نابه‌ران باشترببیت ،ئه‌و هه‌ست ب ژیانه‌كه ئارام بكه‌ن جونكی ژ ئه‌گه‌رێ شه‌ر و ململانی نه‌چار بوینه جه وارێن خوه بهێلن قه‌ستا ده‌ڤه‌رێن ئارام یێن هه‌رێما كوردستانێ بكه‌ن.
