سه‌رۆكێ ئێكه‌تیا زه‌لامێن كوردستانێ:ژن ئه‌گه‌ره زه‌لامێ وێ سه‌ح كه‌ته فلمێن سكسی
ئه‌ڤرۆ، سالار محه‌مه‌د دۆسكی:
سه‌رۆكێ ئێكه‌تیا زه‌لامان ئاشكرا كر كو زه‌لام وی ده‌می سه‌ح دكه‌ته فلمێن سكسی ده‌مێ خێزانا وی كێشه و ئاریشێن خێزانی هه‌لدگریت و دبیته سه‌ر جهێ خه‌وێ یان خوه ل ده‌رڤه‌ی مال جوان دكه‌ت و دناڤا مال دا ئاگه‌ه ژ هه‌ڤژینێ خوه نینه و گۆت: زه‌لام پتر ژ ژنان سه‌ح دكه‌نه فلمێن سكسی.
بورهان فه‌ره‌ج، سه‌رۆكێ ئێكه‌تیا زه‌لامان ل كوردستانێ بۆ رۆژناما ئه‌ڤرۆ دیار كر كو زه‌لامان پتر ژ ژنان حه‌زا دیتنا فلمێن سكسی هه‌یه و ئه‌ڤه د دیتنا هه‌موو جیهانێ دا هه‌یه و گۆت: (دناڤا جڤاكێ كوردی دا ژنان و زه‌لامان ره‌وشه‌نبیریا سكسی نینه و پتریا ژنان كێش و گرفتێن خوه دبه‌نه سه‌ر ته‌ختێ نفستنێ و له‌وما گه‌له‌ك جاران زه‌لام نه‌شێت حه‌زێن خوه تێر بكه‌ت و نه‌چاره ته‌ماشه‌ی فلمێن سكسی بكه‌ت).
سه‌رۆكێ ئێكه‌تیا زه‌لامێن كوردستانێ گۆتژی: (پێشتر دناڤا ته‌له‌ڤزیون و رادیویێن كوردستانێ پرۆگرامێن ئاڤاكه‌رێن خێزانێ هه‌بوون، لێ مخابن ئه‌و نه‌مایه و نوكه سوشیال میدیا رۆله‌كێ گه‌له‌ك نه‌باش دناڤا خێزانێن كوردی دا دگێریت و بوویه ئه‌گه‌ر خێزان ژناف بچیت و گه‌له‌ك جاران كارتێكرنێ ل سه‌ر ده‌روونێ تاكه كه‌سێ كورد دكه‌ت و ئه‌و ژی بوویه به‌شك ژ به‌شێن ژناڤچوونا خێزانا كوردی و پێشتر پرۆگرامێن ئاڤاكه‌ر هه‌بوون و گه‌له‌ك جاران خێزانا ل به‌ر ئه‌وان پرۆگراما كێشه و گازندێن خوه چاره‌سه‌ر دكرن).
بورهان ئه‌و چه‌نده ژی نه ڤه‌شارت كو سوشیال میدیا بوویه مینبه‌را دیتنا فلێن سكسی دناڤبه‌را ژن و زه‌لامان دا و گه‌له‌ك جاران دێ بینی ژن ل ده‌رڤه‌ی مال خوه لێك دده‌ت و جوان دكه‌ت و گۆت: (پا بۆچی خوه دناڤ مالا خوه دا لێك ناده‌ت و جوان ناكه‌ت بۆ وێ مه‌به‌ستێ سه‌رنجا زه‌لامێ خوه بخوه رابكێشیت و ئه‌ڤه ژی ئه‌گه‌ره‌كه زه‌لامی زێده‌تر چاڤ ل ده‌رڤه‌ی مالا خوه بیت و چاڤ ل سه‌ر فلمێن سكسی بیت ل تورێن جڤاكی و سوشیال میدیایێ.
بورهان د به‌رده‌وامیا ئاخفتنێن خوه‌دا دیار كر، بێگونان دڤێت رێكخستنه‌ك بهێته كرن و پێشتر جهێن له‌ش فرۆشیێ پتریا وه‌لاتان ب فه‌رمی هه‌بووینه، لی دناڤا جڤاكێ كوردی دا ئه‌ڤه نه‌هاتیه وه‌رگرتن و گۆت: (به‌رۆڤاژی هاتیه بكارئینان بۆ هنده‌ك مه‌ره‌مێن دوور ژ دابو نه‌ریتێن ملله‌تێ كورد و حوكمه‌تا هه‌رێما كوردستانێ كاره‌كێ باش دكه‌ت و دڤێت میدیا ژی رۆلێ خوه ببینت و خێزان زێده‌تر بهێته ئاڤا كرن و كار بهێته كرن هه‌ر ئێك ل گه‌ل خێزانا خوه كارێ سكسی بكه‌ت و ب رێكه‌كا حه‌لال و دڤێـت جهێن سكسی بهێنه رێكخستن نه‌كو ببنه جهێن سیخوریێ بۆ هه‌ر مه‌ره‌مه‌كێ بهێنه بكارئینان دژی جڤاكێ كورده‌واری ).
