پارێزه‌رك:پشتی ژ قومارێ خوساره‌ت بووی هه‌ڤژینا خۆ قوتا
ئه‌ڤرۆ، هه‌رهین محه‌مه‌د:
ل ڤێ دووماهیێ گه‌له‌ك كه‌سان به‌رێ خوه دایه قومارێ و بوویه ئه‌گه‌رێ تێكچوون و ژناڤچوونا گه‌له‌ك خێزانان و ئه‌ڤ نه‌ریته ژی به‌رب زێده‌بوونێ یه و ل دورڤێ چه‌ندێ ژی پارێزه‌ره‌كێ دادگه‌ها دهۆكێ دبێژیت: كه‌سه‌ك رابوویه ب یاریا قومارێ و چه‌ندین فێلبازی ل هه‌ڤال و مرۆڤێن خوه كریه و پاره ژێ وه‌رگرتیه و هه‌ڤژینا وی ژی داخازا جودابوونێ ژێ كریه.
عه‌لی ره‌سول، پارێزه‌ر ل دادگه‌ها دهۆكێ بۆ به‌رپه‌رێ جڤاكی یێ رۆژناما ئه‌ڤرۆ گۆت: كوره‌كێ سیه و سێ سالی ل دهۆكێ كو فه‌رمانبه‌رێ رێڤه‌به‌ریه‌كێ یه ل دهۆكێ رابوویه ب كرنا قومارێ و چه‌ند قوماردكر خوساره‌ت دبوو پشتی خوساره‌تیێ ژی گه‌له‌ك فێلبازی و دره‌و ل گه‌ل هه‌ڤال و كه‌س و كارێن خوه كرن و پاره ژوان وه‌ردگرتن و یێ به‌رده‌وام بوول سه‌ر قومارێ دا كو پاره‌كی ب ده‌ست ڤه بینت و قومارێ پێ بكه‌ت و ئه‌و هه‌رد وێ هزرێ دابوو ژخوساره‌تیێ ب سه‌ر ب كه‌ڤیت و ئه‌ڤ چه‌نده بۆ ئه‌گه‌ر هنده‌ك كه‌یسێن فێلبازیێ ل سه‌ر ڤه‌بن و ئه‌و كه‌سێن قه‌ر ل ده‌ف وی چوونه مالا بابێ وی و ئه‌و بخوه ژی ژماله‌كا ناڤدارن ل دهۆكێ و بابێ وی ژبه‌ر ڤان كه‌سان و شه‌رمادا توشی جه‌لتێ دبیت و دهێته ره‌وانه‌كرن بۆ نه‌خوشخانێ و ب خوشحالی ڤه بابێ وی نوكه ب سلامه‌ته.
پارێزه‌رێ دادگه‌ها دهۆكێ زێده‌ترژی گۆت: ئه‌ڤ كه‌سه ده‌مێ دچوو مالا خوه دا هه‌ڤژینا خوه قوتیت بێ ئه‌گه‌ر و نه دگوته مالا خوه ژی قومارێ دكه‌م و ئه‌ز قازانج ناكه‌م وئه‌ڤ تشته به‌رده‌م بوو هه‌تا كو گه‌هشتیه وی راده‌ی هه‌ڤژینا وی ل دادگه‌هێ داخازا ژێكجودابوونێ بكه‌ت و كه‌یسا به‌ردانێ به‌رده‌وامه، به‌لێ بزاڤ دهێته‌كرن ژێكجودانه‌بن و پێك بهێن دیسان ئه‌و كه‌سه‌ژی هاته ده‌سته سه‌ركرن و بۆ ده‌مێ حه‌فتیه‌كێ دهێته ده‌سته‌سه‌ركرن و نوكه ب كه‌فاله‌ت هاتیه به‌ردان و دادگه‌ه ل سه‌ر ڤێ كه‌یسێ یابه‌رده‌وامه.
