ئهگهرێن گرانبۆنا بهایێ دولاری بهرامبهر دیناری ب نهدیاری ماینه
ههولێر، سولین سلێمان
سهرباری ههموو داهاتێن ئێراقێ د ههمبهر فرۆشتنا پهترۆلێ ب دهستكهڤیت و سالانه ب چهندهها ملیار دۆلاران دهێته خهملاندن، لێ د وان چهند رۆژێن بوریدا بهایێ دیناری بهرامبهر دۆلاری زۆر هاتبوو خار و پاشی بلندبووڤه، ئهو ژی چهند ئهگهرێن ناڤخۆیی و دهرهكی ههنه.
مهههر محهمهد راوێژكارێ ئابووری یێ حوكمهتێ بۆ رۆژاناما ئهڤرۆ دیار كر، وهك یا دیار ل چهند روژێن بوریدا بهایێ دولاری بهرامبهر دیناری ل بازارێن كوردستانێ زۆر بلند بۆیه ب تایبهتی ژی كۆ بهری ماوهكی حوكمهتا نویا ئێراقێ دهستبكاربوویهـ ئهو گوتنێن دهربارێ هاتنه خارا بهایێ دولاری دكهن ل ههمبهر دیناری رهتكر.
خویاكر، بلندبوونا بهایێ دۆلاری بهرامبهر دیناری ل بازارێن ناڤخۆییدا د وهختینه، چونكی ئهو هندهك جارا گۆتنێن جیاواز بهلاڤ دبن پێخهمهت كرین و فرۆتنا دولاری و دبیته ئهگهرێ وێ چهندێ بهایێ دولاری بلند ببیت، ژبهر وێ كاتێكرنێ ل سهر بازارندا دروست دكهت.
ئاماژهكر، ماوێ سێ رۆژایه بهردهوام بهایێ دۆلاران ل بازارێن ناڤخۆیدا د بلندبونێدانه و تا نۆكه ژی ئهگهرێن وێ ژی هێشتا نهدیارن.
خهلیل جاسم دولار فرۆشهكه ل بازارا ههولێرێ دهربارێ ڤێ چهندێ بۆ رۆژناما ئهڤرۆ دیاركر، ئهم وهك دۆلارا فرۆش د نۆكه دا بهایێ دولاری ب ١٤٩ و ١٠٠ دینارا دكرین و ئهڤ بهایه هێشتا نهیا دیاره كۆ دێ بلندتر ژی بیت یان دێ هێته خار، چونك بهردهوام گوهۆرین دروست دبن و بهایێ وێ چهند رۆژه جێگر نهبۆیه ههر بلند دبیت ههر چهند ل چهند حهفتیێن بوری بهایێ دولاری ببوو ١٤٦، لێ ههر زی ئهڤ بهایه بلند بوو د نۆكهدا هاتیه گوهۆرین.
