وه‌زاره‌تا ناڤخۆ مه‌رجێن دامه‌زراندنێ گوهۆڕين
ئه‌ڤرۆ نيوز:
ب گۆره‌يى فه‌رمانه‌كا وه‌زاره‌تا ناڤخۆ يا هه‌رێما كوردستانێ، قانوونا دامه‌زراندنا كارمه‌ندێن ناڤخۆ، دێ هێته راستڤه‌كرن.
ب گۆره‌يى فه‌رمانه‌كا وه‌زاره‌تێ كو ئيمزايا كه‌ريم شنگالى وه‌زيرێ ناڤخۆ ل سه‌ره، بڕيار دايه هه‌موو ئه‌و كه‌سێن ل رێزێن هێزێن ئاسايش و ناڤخۆ دهێنه دامه‌زراندن، ب گۆره‌يى باوه‌رنامێن وان و پشتى پشكداريكرنێ د خۆله‌كا مه‌شقكرنێ دا دێ پلێن له‌شكرى پێ هێنه دان.
ده‌رچوويێن زانكۆيێ ب پلا “پۆليسێن پياده چار” و ب مووچێ بنه‌ره‌ت 250 هزار دينار و ده‌رچوويێن په‌يمانگه‌هان “پۆليسێ پياده سێ” و ب ڤى ره‌نگى هندى باوه‌رناما وان كێمتر بيت، پلا له‌شكرى دێ نزمتر بيت.
د هه‌مان فه‌رمانا وه‌زاره‌تێ دا به‌حس ل بلندكرنا پلا “پۆليسێن پياده چار” كريه كو “رێ پێ دايى 8″ كو ده‌رچوويێن زانكۆيێ پشتى “سێ” سالێن خزمه‌تێ، ده‌رچوويێن په‌يمانگه‌هێ پشتى “شه‌ش” سالان و يێن ئاماده‌يى پشتى “نه‌هـ” سالان و ده‌رچوويێن ناڤه‌ندى و بنه‌ره‌ت ژى پشتى “12” سالێن خزمه‌تێ دێ بنه “رێ پێدايى 8″، به‌لێ ئه‌ڤێن باوه‌رنامه نه‌بن، خزمه‌تا سالانه چه‌ند پتر لێ بهێت، پله نابيته “رێ پێ دايى”.
