سێ یاریزانێن كورد میدالییا برۆنزی د ئۆلمپیادا ئاسیا دا ب دەستڤە ئینان
سێ یاریزانێن كورد شیان میدالیێن برۆنزی بۆ هەلبژارتیێ ئیراقێ د ئۆلمپیادا ئاسیا دا ب دەستڤە بینن، پشتی ل سەر ئاستێ سیستەمێ كاتا رێزا سێیێ بهێن و پێشكەڤن ل سەر هەلبژارتیێ هۆنگ كۆنگ، د هەڤڕكیێن واندا ئەوا دوهی ل وەلاتێ چینێ د چارچووڤێ یاریێن ئۆلمپیادا هاتیە ئەنجامدان.
هەر سێ یاریزانێن كورد پێكهاتی بوون ژ پەژار مەهدی، یۆسف سەلام و بینەر مستەفا كو ب ناڤێ هەلبژارتیێ ئیراقێ بۆ سیستەمێ كاتا پشكداری كربوو و شیان رێزا سێیێ بهێن ب كۆمكرنا 41.8 خالان و میدالییا برۆنزی د پیشاندانا كۆم ب دەستڤە بینن، هەرسێ یاریزانە ژ ئەكادیمیا كاراتێ یا خورمال سەر ب پارێزگەها سلێمانیێ ڤەنە، میدالییا برۆنزی دبیتە یا سێیێ ب ناڤێ ئیراقێ د ئۆلمپیادا ئاسیا دا پشتی هەر ئێك ژعەلی قاسم بۆ یارییا بۆكسانێ و سەیف تاهر بۆ یارییا تایكواندۆیێ میدالیێن برۆنزی ب دەستڤە ئینایین.
بۆ زانین 12 هزار و 417 یاریزانێن كورد و كچ ژ 45 وەلاتێن ئاسیا پشكداری هەڤڕكیێن ئۆلمپیادا ئاسیا بووینە، وەلاتێ چینێ ب 188 میدالیین زێری ژ وانا52 یێن زێری وەكو قارەمانا ئۆلمپیادا رێزا ئێكێ هات، كوریا باشۆر ب 190 میدالییان رێزا دویێ هات لێ 42 یێن زێری بوو،
بۆ زانین وەلاتێ ئیراقێ پشكداری د12 یاریێن جودا یێن ئۆلمپیادا كربوون ژبلی یاریێن كاراتێ، بۆكسانێ و تایكواندۆیێ چو میدالیێن دی ب دەستڤە نەئیناینە كود بیتە خرابترین ئەنجامێ وەرزشا ئیراقێ د ئۆلمپیادا ئاسیا دا
