د خوازین چو یانە خوە تووشی سزایان نەكەن و ب جوانترین شێوە خول ب ڕێڤە بچیت
فیدارسیۆنا تەپا پێی یا ئیراقێ بەیاننامەكا فەرمی ئاراستەیی جەماوەر و هەمی یانەیێن وەرزشی یێن پشكدار د خولا ستێرێن ئیراقێ دا كرییە و د خوازیت وێنەیێ جوان یێ خولێ نیشا هەمی جیهانێ بدەن و نە بیتە ئەگەر خوە تووشی سزایێن نە چاڤەڕێ كر بدەن، ئەڤە چەند ژ رێزێن دەقێ بەیاننامێ یە.
تێدا هاتییە: بەری هەر تشتەكی دڤێت ئەم پەسنا ئەوێ كارێ سەركەفتی بكەین ئەوا د هەر چار گەڕێن بۆری یێن خولا ستێرێن ئیراقێ یا تەپا پێی دا هاتیە كرن و ئەو هاندانا جەماوەری و هەڤڕكیێن خولێ كو دەنگڤەدانەكا باش و ژ هەژی ل هەمی وەلاتی دیار كری، هەروەسان هاتییە: سەرباری ئەوا مە دیاركری، ب مخابنی ڤە ژی هندەك بزاڤ و سیناریۆیێن دوور ژ گیانێ وەرزشی د هندەك یاریێن خولا ستێرێن ئیراقێ دا د ماوەیێ هەر چار گەڕێن بۆری دا ژلایێ هندەك كو خوە ب ناڤێ جەماوەرێ یانەیان هژمارتی هاتبوونە دیتن و ئەوا مە حەز دكر و گازی دكر كو ب شێوەكێ جوان هاتبا پێش د هەمی هەڤڕكیێن خولێ دا، دڤێت هەمی لایەك بەرانبەر ئەڤان ڕەفتارێن نە جوان ب راوەستیێن پێخەمەت چو زیان نەگەهینە وێنەیێ جوان ئەوا دەستپێكا خولێ هاتییە پێش و خولا مە وەكو هاتییە پلان دانان ب جوانترین شێوە ب ڕێڤە بچیت و ب ملیونا كەس تەماشە بكەن، هەروەسان گۆتییە: د خوازین خولا مە ب جوانترین شێوە و شارستانی بهێتە دیتن و ببیتە خودیك بۆ وەلاتێ مە، نە بیتە ئەگەر كو ئەم رێنما و یاسایێن سزایێ دژوار دەربكەین.
دیسان هاتییە: داخوازێ ژ جەماوەرێ خوە دكەین رێكێ نەدەنە ئەوان كەسێن دڤێت وێنەكێ كرێت بۆ خولا مە یا جوان نیشان بدەن، پێگیری ب رێنما و یاسایا دانایی دێ مە ژ سەپاندنا سزایێن كارگێری و دارایی یێن دژوار دوورئێخیت ئەوا دێ هەر ژ گەڕا پێنجێ یا خولێ هێتە بجهئینان بۆ هەر كەسێ وێنەیێ جوان یێ خولا مە كرێت بكەت.
