چاڤی: ئەوا د خولا ئیسپانیا دا روو ددەت بەلگەیە كو مە شیانێن ناسناڤی نینن
راهێنەرێ ئسپانی و یانەیا بەرشەلۆنا گۆمان ئێخستە ل سەر كارێ دروست یێ دادڤانان د دەمێ بڕێڤەبرنا یاریێن خولا تەپا پێی یا ئسپانی، ئەڤ چەندە هات پشتی سەركەفتنا تیما وی ل سەر ریال پیتس ب4-2 و سەركەفتنا ریال مەدرید ل سەر ئەلمێرییا ب3-2 گۆلان.
چاڤی هێرناندێز بۆ ماركا یا ئسپانی گۆت: ل دەستپێكا خولێ من گۆت بوو ژ ئاستێ دادڤانان رازی نینم و دیارە هەتا نوكە ژی ب هەمان شێوە بڕێڤە دچیت، ل دەستپێكا خولێ من دیاركربوو كو ژبەر ڤێ شێوازێ بڕێڤەبرنێ مە شیانێن دەستڤە ئینانا ناسناڤێ لالیگایێ بۆ وەرزێ ئەڤ سالە نینن و هەتا نوكە ژی ل سەر بۆچوونا خوە مە.
هەروەسان گۆت: جەماوەرێ وەرزشی دبینن چەوا دادڤان یارییان بڕێڤەدبەن و ئەڤە نە هێچەتە ئەز بۆ خوە دان ملێ راستییە، بڕیارێن خەلەت یێن دادڤانان شەش خال ژ مە ستاندینە، كەس بەحسی ڤی بابەتی ناكەت و ئەم یێ بەردەوامین و هیڤیێن خوە ژ دەست نادەین.
