ئازاد محەمەد: پاشئێخستنا خولا لاوان د بەرژوەندییا پڕانییا یانەیان دا بوو
قەیس وەیس:
د داخویاینەكێ دا ئەندامێ فیدراسیۆنا تەپا پێی یا كوردستانێ دیار كر بڕیارا پاشئێخستنا وەرزێ نوو یا خولا پلا نایایا كوردستانێ بۆ بەرژوەندییا یانەیان دا و بزاڤ دهێتە كرن هەڤڕٍكیێن هەموو خولا بەری دەستپێكرنا مۆندیالا كۆنیفا 2024ێ یا هەرێمان ب دووماهی بهێت.
زێدەتر ئازاد محەمەد بۆ رۆژنامەیا ئەڤرۆ گۆت: پشتی دووڤچوونا داخوازیێن هژمارەما یانەیان بڕیار هاتە دان خولا لاوان بۆ دەستپێكا نیسانا ئەڤ سالە بهێتە پاشئێخستن ئەو ژی ژبەر كاودانێن دارایی یێن پرانییا یانەیان و پشكداریێن تیمێن وان د خولا نایابا كوردستانێ و ئێكێ دا، ئەڤە ژی ببیتە رێكەك كو پشكدارییەكا زووتر هەبیت و هەڤڕكییەكا باشتر بۆ دەستڤە ئینانا ناسناڤێ خولێ و دەلیڤە بۆ هەموو یانەیان و یاریزانێن وان پەیدابیت.
ژلایەكێ دووڤە ناڤهاتی ئەوچەندە ژی دیار كر د نوكە دا خولێن پلا نایاب، ئێك، فوتسالا كچان دهێنە كرن، دیسان دێ خولێن پلا دو و لاوان ژی هێنە ئەنجامدان، ل دووڤ پلان و نەخشەیێ هاتییە دانان، بڕیارە هەموو چالاكی هەتا بەری دەستپێكرنا مۆندیالا جیهانی ل سەر ئاستێ هەلبژارتیێن هەرێمان كۆنیفا 2024ێ ئەوا چاڤەڕێ یە ل دووماهییا مەها شەش یا ئەڤ سالە بهێتە ئەنجامدان.
