چوونا مباپی بۆ ریال مەدرید هاتە ئێكلا كرن
رۆژنامەیا Le Parisien یا فرەنسی چوونا ستێرێ پاریس سانجێرمان كێلیان مباپی بۆ یانەیا ریال مەدرید یا ئسپانی ئێكلا كر و هەمی ئەو بۆچوونێن هاتینە گۆتن بۆ مانا وی دوورئێخستن و بڕیارە گرێبەستا وی ل دەستپێكا هاڤینا بهێت ب شێوەكێ فەرمی هێتە ئێمزاكرن.
ل دووڤ زانیاریێن رۆژنامەیا ناڤهاتی و تۆرا ئای سی بی ئێن یا وەرزشی كو ستێرێ فرەنسی یێ 25 سالی گرێبەستا خوە دگەل یانەیا پاریس نوو ناكەت و دێ بەر ب خولا ئسپانیا و ریال مەدرید چیت و مباپی رازیبوویە كۆژمەیێ 107.48 ملیۆن دۆلار بۆ یانەیا پاریس سانجێرمان بەرهەڤ بكەت بەرانبەر چوونا خوە، لێ هەتا یاریزانێ ناڤهاتی چو داخویانیێن فەرمی نە داینە، سەرباری پشتراست بوونا دەزگەهێن راگەهاندنێ یێن ناڤهاتی بۆ چوونا وی بەر ب ریال مەدرید.
ژلایەكێ دووڤە تۆرا ئای سی بی ئێن دۆپاتی ل سەر چوونا مباپی بۆ ریالێ و دیاركر دبیت پشتی تێگەهشتن دناڤبەرا وی و ستێرێ یانەیا ئسپانی بێلینگهامی پەیدابوویە لەوما بڕیار دایە ونێزیك دا دێ بیتە فەرمی.
