ئازاد محەمەد: ژبۆ هەر بڕیارەكێ دەستهەلات بۆ سەرپەرشتیارێن خولێ هاتیە دان
د داخویانیەكێ دا ئەندامێ فیدراسیۆنا فوتبۆلا كوردستانێ دیار كر د دووماهی كۆمبوونا خوە دا چەندین بڕیار و راسپاردە هاتینە دەركرن ژ وانا دەستهەلات بۆ سەرپەرشتیارێن یاریێن خولێ هاتینە دان بۆ دانا هەر بڕیارەكێ د بەرژوەندییا گشتی دابیت ب مەرجەكی ل دووڤ رێنمایێن فیدارسیۆنێ بن.
زێدەتر ئازاد محەمەد گۆت: ب مەرەما كۆنترلكرن و بڕێڤەبرنا هەر یاریەكێ بشێوەكێ رێكخستی بڕیار هاتیە دان كو سەرپەرشتێن یارییان بێ ڤەگەڕێنە پەیوەندیێن تلەفونی دگەل ئەندامێن فیدراسیۆنێ ژبۆ وەرگرتنا بڕیارەكێ ب شێوەكێ ئێكسەر دەستهەلات بۆ هەیە ل دووڤ رێنمایێن فیدارسیۆنا فوتبۆلا كوردستانێ هەر بڕیارەكێ بدەت و نابیت پەیوەندیێ ب ئەندامێن فیدراسیۆنێ بكەت بەرۆڤاژی دێ هێتە سزادان، ئەڤچەندە ژی ژبۆ بەرژوەندییا گشتی یە و سەرپەرشتیار یێ دناڤ یاریگەهێ دا دبیت ئەو باشتر بزانیت یا دروست دێ چ بیت ل دووڤ رێنمایان.
هەروەسان ناڤهاتی گۆت: هەر دناڤەرۆكا كۆمبوونێ دا هاتیە ئەو دەمێ دادڤان دهێتە سزادان ب ئاشكەرایی بهێتە راگەهاندن ئەڤچەندە ژی نە كێمكرنە بۆ دادڤانی بەلكو پێخەمەت هەمی یانە و جەماوەر بزانن كو بەردەوام دادڤان ژی دهاتنە سزادان ل سەر هەر خەلەتیەكا پەیدابوویی.
بۆ زانین ل دۆر بڕیارێن فیدراسیۆنێ، ژبەر وەرگرتنا كارتا سۆر بڕیار هاتە دان ب سزادانا دارایی بۆ راهێنەرا فوتسالا یانەیا زاخۆ زێنە جەمیل ب كۆژمەیێ 250000 هزار دیناران، هەروەسان نابیت چو ئەندامێن كارگێریێ ببنە راهێنەرێن تیما خوە و دێ سزا بوو هەبیت، دیسان ل سەر داخوازا یانەیا دینارتە كو یاریزانێ وان نەوزاد سادق دشێت یاریێ بۆ تیما خوە بكە تلێ سزاییا دوورئێخستنێ ل سەر سەرپەرشتێ تیمێ كاروان سمۆ دێ مینت.
