باسم قاسم: سیستەمێ خولا ئیراقێ ل رۆژهەلاتا ناڤین ناگۆنجیت
د داخویانیەكێ دا راهێنەرێ تیما فوتبۆلا یانەیا نەفت یا بەغدایی دیار كر خولا ستێرێن ئیراقێ گەلەك خالێن سەرسۆرمانێ و گڤاشتنێن مەزن ل سەر یاریزانان دكەن.
باسم قاسم ئەو راهێنەرێ دگەل یانەیا دهۆك ل سالا 2010 ناسناڤێ خولا ئیراقێ ب دەستڤە ئینایی گۆت: هەرچەندە پێشكەفتنا خولا ئیراقێ تا رادەیەكی یا دیاربوویی لێ ب شێوەكێ گشتی كارتیكرنەكا نەرێنی ل سەر ئاستێ یاریزانان كرییە، هەڤڕكیێن خولێ بتنێ د ناڤبەرا گەڕ بۆ گەڕەكا دی 48 دەمژمێرن ئەڤچەندە كارتیكرن ل سەر ئاست و جەستەیێ یاریزانان دكەن، پرانییا یانەیێن پشكدار بۆ هەر تیمەكێ نێزیكی هەشت هنگاڤتن هەنە و ئاستێ گەلەك یاریزانان ژی یێ خوە جهـ نینە.
هەروەسان ناڤهاتی گۆت: سیستەمێ خولێ پشت بەستن ل سەر یێ ئۆرۆپایێ كرییە و ئەڤ سیستەمە ل رۆژهەلاتا ناڤین و یاریزانی مە نا گونجیت تایبەت لایەنێ جەستەیی و هێزا یاریزانی، دیسان گەلەك خالێن سەرسۆرمانێ یێن دناڤ خولێ دا هەین جهێ پسیارێ نە و دڤێت دووڤچوون بهێتە كرن، هەرچەندە پێخوەشین هەبوونا خولا ستێرێن ئیراقێ بڤێ هێزێ و تا رادەیەكی پێشڤەچووین.
