زاخۆ قۆناغا پله‌ی ئۆف مسۆگه‌ر كر
عەلی حاجی
د داخویانیەکێ دا سەرپەرشتێ تیما باسکێت بۆلا یانه‌یا زاخۆ ئەوا پشکدار د خولا نایابا ئیراقێ دا بۆ رۆژناما ئەڤرۆ دیار کر تیما وان دەربازبوون بۆ قوناغا پله‌ی ئۆف مسوگەر کریە و یاریێن پاشئێخستی دێ چارەنڤیسێ گەلەک تیمان ئێکلا کەت.
زێدەتر عەبدولستار عەلی گۆت: ل سه‌ر ئاستێ تازەپێگەهشتیان شیاینه خالەکێ د رێزبه‌ندیا تیما پێشکەڤتیان د خولا ئیراقێ دا زێدە بكه‌ین و چاڤەرێ رێزبەندیا دووماهیێ نه، هه‌روه‌سان چاڤه‌ڕێ خاله‌كا دی یا ل سه‌ر ئاستێ لاواینه كو دێ ل سه‌ر تیما پێشكه‌فتیان زێده‌تر لێكه‌ین، بۆ زانین هەکە د یاریا پاشئێخستی دا کارەبا سەرکەڤتنێ ل سەر حللە تومارکر دێ لاوێن زاخۆ بنە قارەمانێن وه‌رزێ ئه‌ڤ ساله و دێ شێن دو خالێن دیتر بۆ پێشکەڤتیان زێدە كه‌ین، هێشتا یاریێن پاشئێخستی د خولا دا ماینە ب دووماهی هاتنا وان یاریان ژی دێ تیمێن دەربازبووی بۆ قۆناغا هەشتێ دیار بن و هەتا نوکە مە دەربازبوونا خوە مسوگەر کرییە و دێ هەمی شیانان تەرخان کەین دا کو بشێن هەڤرکیێ بکەین.
ناڤبری گۆت ژی: بۆ قوناغا هەشتێ چو گوهۆڕینان د تیما خوە دا ناکەین ژبه‌ركو ئاستێ وێ باشتر بوویە تایبەت ژی یێن هندەک یاریزانێن مە سه‌ره‌كی د دو یاریێن بوری دا ڤەگەریابوون و ئاستێ پاشترلێكرییه.
ل دووماهیێ گۆت ژی: مە سەرکەڤتن د دەستنیشانکرنا یاریزانێن پێشەکار بۆ وەرزێ ئەڤ سالە دا نەئینایه و ئه‌ڤچەندە ژی ژ ئەگەرێن سەرەکی بوو کو ئەنجامێن تیما مە لدووڤ خاستەکا مە نەبوون، ژلایەکێ دیتر ڤە ژی ئاستێ چەند یاریزانان هات بوو خارێ.
