عەدنان درجال: پرۆژەیێ لالیگا پێنگاڤەكا گرنگ پێشدا چۆیە
سەرۆكێ فیدراسیۆنا تەپا پێی یا ئیراقێ دۆپاتی ل سەر بەردەوامییا پرۆژەیێ دناڤبەرا وان و لالیگایا ئسپانی دا دیاركرن پشتی دەربازبوونا 22 یاریان ژ خولا ستێرێن ئیراقێ و پەسنا رێكخستنێ ژلایێ لژنەیێن ب ڕێڤەبرنا هەڤڕكیێن خولێ ڤە.
عەدنان درجال بۆ دەزگەهێن راگەهاندنێ گۆت: ئەو پلانێن هاتینە دانان بۆ سەركەڤتنا پرۆژەیێ پێشئێخستنا خولا تەپا پێی یا ئیراقێ هەتا نوكە یا سەركەفتی یە و گاڤەكا گرنگ بەر ب پێشڤە هاڤێتیە، هەر ژ خولێن تازەپێگەهشتییان، لاوان و پێًشكەفتیان و یا گرنگ بوومە دانانا شەنگستەكێ تەپاپێی ژ یاریزانێن ژیێن جودا، هەڤكارییا یانە و ئێكەتیێن تەپا پێی یێن پارێزگەهان و دادڤانان كو ئاستێ ڤێ یاریێ بەر ب باشتر چوویە و یا گرنگتر ئەو تێگەهشتنا جەماوەری بۆ پرۆژەیێ مە، دێ رژدبین ل سەر پرۆژەیێ خوە و سەرۆكێ دەستەیا لالیگایا ئسپانی خاڤیێر تیباس هەمی شیانێن خوە یێن مرۆڤی و هونەری و تەكتیكی بۆ سەركەفتنا خولا ئیراقێ بەرهەڤ كرینە.