ئەنچلۆتی سۆپرایزەك بۆ گواردیۆلایی بەرهەڤكریە
رۆژنامەیێن ئسپانی دۆپاتی ل سەر هەبوونا پلانێن هەڤدژ یێن راهێنەرێ تیما یانەیا ریال مەدرید یێ ئیتالی كارلۆ ئانشلۆتی بەرانبەر راهێنەرێ ئسپانی و مانچستەر ستی یا ئنگلێزی پیب گواردیۆلایی بۆ دیدارا دویێ یا چارشەمبیا بهێت و چارەنڤیس یا دەربازبوونێ بەر ب قۆناغا پێش دووماهییا قارەمانییا یانەیێن ئۆرۆپا قارەمانێن خولا چامپیۆنز لیگ، پشتی د یارییا ئێكێ دا ل بیرنابیۆ هەردو یانە ب سێ گۆلان وەكهەڤبووین.
رۆژنامەیا ئاس یا ئسپانی دیار كر ئانشلۆتی د یارییا ئێكێ خاندنەكا تەسەل یا هونەری، پلان و تەكتیكی و جەستەیی یا گواردیۆلایی خاندییە كو بۆ یارییا بهێت بشێت كونترۆلێ ل سەر یاریێ بكەت و سۆپرایزەكی چێكەت، ل دیڤ راهێنانێن ئانشلۆتی هەر دبیت سۆپرایزا وی پشكدارییا میلیتاو، رددێگر و ئەنتۆنی بیت، دیسان ل هێلا پێشیێ چەكێ گران ب بیلینگهام، ڤێنێسیۆس و رۆدرێگو، لێ مان ستی دناڤ ئەردی خوە دایە و دوور نینە ئەو پلان سەركەفتنێ نە ئینت.