راهێنەرەك و سێ یاریزانێن پارێزگەهێ بەرهەڤییان بۆ كۆپا ئاسیا دكەن
د داخویانیەكێ دا راهێنەرێ تیما پایسكلڤانێن یانەیا دهۆك دیار كرهەلبژارتیێ ئیراقێ ل سەر ئاستێ ئۆلمپی، لاوان و نشتیمانی و كچان دێ ل دەستپێكا خزیرانا بهێت بەر ب وەلاتێ كازاخستان چن ژ بۆ پشكداریێ د كۆپا ئاسیا ئەوا دهێتە هژمارتن ئێك ژ مەزنترین قارەمانیێن ل سەر ئاستێ كێشوەرێ ئاسیا.
هەروەسان تارق سەعید بۆ رۆژنامەیا ئەڤرۆ گۆت: د ناڤ پێكهاتیێ هەلبژارتیێن ئیراقێ دا هەر ئێك ژ وەهبی سلێمان بۆ ئۆلمپی و سەربەست عەبدوللا بۆ نشتیمانی و ئاریوس سلێمان ل سەر ئاستێ لاوان و ئەز راهێنەر ل سەر ئاستێ لاوان ژ پارێزگەها دهۆكێ دێ دناڤ پێكهاتیێ ئیراقێ دا پشكداری یێ د كۆپا ئاسیا دا كەین ئەوا بڕیار ل شەشی خزیرانا بهێت وەلاتێ كازاخستان مێڤاندارییا وێ بكەت و ئیراق دێ ب سێ ئاستان پشكداربیت ئەوا دهێتە هژمارتن قارەمانیەكا ب هێز ژبەرپشكدارییا باشترین یاریزانێن ل كێشوەرێ ئاسیا تایبەت یێن چاپانی، ئەندونیز، چین، ئیران و چەند وەلاتێن عەرەبی.
ژلایەكێ دیڤە ناڤهاتی ئەوچەندە ژی دیار كر ل دووڤ بەرنامەیێ خوە بەرهەڤكرنێ ئەڤە بۆ نێزیكی هەیڤەكێ بوو هەلبژارتیێن ئیراقێ ل پارێزگەها دهۆكێ كەمپێ خوە دانابوو دیسان ل حەفتی ئەیارا بهێت هەلبژارتیێ لاوان دێ پشكداری قارەمانییا ئیرانێ یا نێڤدەولەتی بیت، هەروەسان د نوكە دا كەمپە هاتینە راوەستاندن ژبەركو ل 25ێ ڤێ مەهێ قۆناغا دویێ یا خولا ئیراقێ ل باژێرێ ناسریێ هێتە كرن.
بۆ زانین ل سەر ئاستێ هەلبژارتیێ ئیراقێ یێ تازەپێگەهشتییان پێكهاتیێ وێ كو پێنج یاریزانێن وێ ژ یانەیا دهۆكێ نە ئەو ژی، یوسف جیهاد، محەمەد سادق، ئەیهاب عومەر، عیسام عەلی و ئارام سەباح ئەوژی خوە بەرهەڤ دكەن بۆ قارەمانییا عەرەبی.