بوهاترین 10 گرێبەستێن داراییا بەرشەلۆنا هەژاندی
یانەیا بەرشەلۆنا یا ئسپانی د سالێن بوریدا كۆژمەكێ مەزن یێ پارا ژبۆ كرینا یاریزانان مەزاختیە كو ئابۆریێ وێ هەژاندیە ژ وانا هندەك سەركەفتی نەبووینە و هەرزو یانە بجهـ هێلاینە، 10 ژ ئەوان گرێبەستێن بەرشەلۆنا ئیمزاكرین و نە پێشبینیكری بوون بڤی شێوەینە كو كێمتر گرێبەست هەتا دگەیتە بلندترین گرێبەست.
10- فیران تۆرێس، ل زڤستانا 2022ێ ب58 ملیۆن دۆلاران ژ مان ستی هاتبوو دناڤ رێزێن یانەیا كاتەلۆنی دا ئەوێ ل دەستپێكێ چو ئاست نیشان نەدایی، لڤێ دووماهیێ باشتر بوو لێ هاتنا ئەلئەمین جەمال گەڤان ل مانا وی دكەت.
9- یێ بەرازیلی راڤینا، ژ یانەیا لیدز یۆنایتد یا ئنگلتەرایێ ب كۆژمەیێ 61 ملیۆن دۆلاران گرێبەست دگەل هاتە ئیمزاكرن، شیایە د82 یاریێن بۆریدا 41 گۆلان تۆماربكەت.
8- یێ بۆسنی میرالیم بیانتیچ ژ یۆڤانتۆس یا ئیتالی ب كۆژمەیێ 64 ملیۆن دولاران ل 2020ێ دگەل بەرشەلۆنا گرێبەست ئیمزاكرییە، ل وەرزێ بۆری ئێك خولەك ژی پشكداری یارییان نەكرییە ببوو یاریزانێ یەدەك، ل وەرزێ 2021-2021 بشێوەیێ خواستن بۆ یانەیا پشكتاش یا توركی كرییە و وەرزێ ئەڤ سالە دگەل شارقە یا ئیماراتی یە.
7- یێ سویدی زەلاتان ئیبراهیمۆڤێچ ئەوێ ب74 ملیۆن دولاران هاتییە بەرشەلۆنا ئێك ژ یاریزانێن بەرچاڤ و پووتەدان ل سەر ئاستێ جیهانێ بوویە، لێ پەیوەندیێن وی دگەل یاریزانان و راهێنەرێ یانەیا كاتەلۆنی بوو ئەگەرپشتی وەرزەكی ب تنێ ژ ئسپانیا بەر ب یانەیێن میلان، پاریس سانجێرمان، مانچستەر یۆنایتد، و لوس ئەنجلوس گلاكسی بچیت ل 2023ێ كاروانێ خوە وەكو یاریزان ب دووماهی ئینا.
6- یێ هولەندی فرینكی دی یۆنگ ب80 ملیۆن دولاران ژ یانەیا ئەیاكس هاتبوو بەرشەلۆنا، ل وەرزێ بوری ناسناڤ خولا ئسپانیا بدەستڤە ئینایە و هەتا نوكە یاریزانەكێ گرنگە.
5- یێ ئۆرۆگۆایی لویس سۆارێز ب87 ملیۆن دولاران ژلیڤەرپۆل ل سالا 2014ێ گرێبەستا كاتەلۆنی ئیمزاكریە، ئێك ژ ستێرێن وێ بوویە و شیا د283 یاریان دا 195 گۆلان تۆماربكەت، نوكە دا یاریزانێ ئەنتەر میامی یا ئەمریكی یە.
4- یێ بەرازیلی نەیمار داسیلڤا، ب كۆژمەیێ 93 ملیۆن دۆلاران گرێبەست دگەل هاتبوو ئیمزاكرن ئێك ژ ستێرێن گەش بۆ بەرشەلۆنا هاتبوو پێش دگەل مێسی و سوارێز هێزا هێرشبەریێ بوو، د ماوەیێ چار سالێن خوە دا 100 گۆل تۆماركربوون.
3- فرەنسی ئەنتۆان گرێزمان ب127.5 ملیۆن دۆلاران ژ ئەتلەتیكۆ مەدرید هاتبوو بەرشەلۆنا، وەرزەكی بتنێ یاری بوو كرییە ژ35 یارییان بتنێ نەهـ گۆل تۆماركربوون، ل وەرزێ 2021ێ ب قەر ڤەگەریابوو یانەیا خوە و دیڤدا مانا خوە ئێكلاكر.
2- یێ فرەنسی عوسمان دیمبلی ب154 ملیۆن دۆلاران ژ بۆرۆسیا دۆرتمۆند ل2017ێ هاتبوو بەرشەلۆنا، ل وەرزێ بۆری چوو دناڤ رێزێن پاریس سانجێرمان، ژبەر هنگاڤتنێن بەردەوام بتنێ 40 گۆل ژ 185 یارییان دا تۆماركربوو، نەشیا جهێ نەیماری بگریت.
1-یێ بەرازیلی فلیبی كۆتینیۆ ب170 ملیۆن دۆلاران كود بیتە بوهاترین گرێبەستا یانەیا بەرشەلۆنا ئیمزاكری ئەوێ ژ لیڤەرپۆل یا ئنگلتەرایێ هاتی، ژبەر هنگاڤتنێن بەردەوام بتنێ 100 یاری بوو كربوون، دیڤدا بۆ یاریزانێ ئاستۆن ڤێلا یا ئنگلتەرایێ و دووماهییا وی ل یانەیا دەحیل یا قەتەری دیاربوو.