هەرمان محەمەد: د یاریا شەترەنجێ دا دەلیڤەیا سەركەفتنێ بۆ هەردو رەگەزان هەیە
هەرهین محەمەد:
د داخویانیەكێ دا هەرمان محەمەد سالح راهێنەر و ماموستایێ زانكۆیێ بۆ ئەڤرۆ گۆت: بەری چەند رۆژان ئەم پشكداری قارەمانیەكا شەترەنجێ بووین كو تێدا د 10 زانكۆیێن هەرێمێ پشكداربوون و شیاین رێزا ئێكێ بدەستڤە بینن.
گۆتژی: راستە هەتا نوكە چ گرنگی ب یاریا شەترەنجێ نەهاتیە دان ئەڤە گازندەیا یاریزانێن مەژی یە چو پشتەڤانی ناهێتەكرن و چالاكیان بكەن وپێشبێخن و یاریزان پشكداری قارەمانیان بن و ئاریشا ژ هەموویان مەزنتر ئەوە مە چ جه نین و هەتا نوكە كەسێ دەستێ خوە نەكریە دەستێ مە دا بۆ پشتەڤانی و هاریكاریێ پێخەمەت بەردەوام بین، راستە مە ئێكەتیی هەیە لێ هەبوونا جهەكی یا گرنگە و نەشێن ژدەڤ خوە چالاكیان ب هەروە ئەنجام بدەین.
هەرمان محەمەد گۆتژی: شەترەنج ئێك ژ یاریێن هزری یە گرێدای مێشكی یە نە وەكو یاریێن بۆ خۆشی دهێتە كرن، شەترەنجێ چ چەنس تێدا نینە ب ئێك خەلەتی دبیت ئێك ئێكە پیلێن مرۆڤی بچن، یان دێ خوسارەت بیت سەرا وێ خەلەتیا مرۆڤی دەستپێكێ كری، ئانكو یاریەكە هزركرن بۆ پێدڤێت، یاریزان دڤێت بخوە پلانا بدانیت، هەروەسان ئەو كەسێ ڤێ یاریێ دكەت و بیتە یاریزان دڤێت بەروەخت پێزانین ل سەر هەبن داكو یێ شارەزابیت، مە یاریزانێن كچ و كوڕ یێن یاریا شەترەنجێ هەنە، ئەڤ یاریە نە یاریەكا لەشی یە كو بتنێ كور تێدا دزیرەك بن ژبەركو یاریەكا هزر یە كچ ژی دزیرەكن و خوە تێدا دبین سەركەفتی.