ئازاد محه‌مه‌د: قاره‌مانییا كۆنیفایێ ژ كوردستانێ ناهێته ڤه‌گوهاستن
د داخویانیه‌كێ دا ئه‌ندامێ فیدراسیۆنا فوتبۆلا كوردستانێ ڕه‌دكر قاره‌مانییا كۆنیفایێ 2024ێ ژ كوردستانێ بۆ وه‌لاته‌كێ دی بهێته ڤه‌گۆهاستن و بڕیاره ل هاڤینا سالا بهێت هه‌ڤڕكیێن وێ ل هه‌رسێ پارێزگه‌هێن هه‌رێمێ بهێته ئه‌نجامدان.
زێده‌تر ئازاد محه‌مه‌د بۆ رۆژنامه‌یا ئه‌ڤرۆ گۆت: سه‌رباری هه‌رێما كوردستانێ به‌رهه‌ڤی بۆ قاره‌مانیا كۆنیفا 2024ێ هه‌ر تشته‌كێ پێدڤی به‌رهه‌ڤكربوو پێخه‌مه‌ت بڕێڤه‌چوونه‌كا سه‌ركه‌فتی كو راسته‌وخوه ب پشته‌ڤانییا مه‌سرۆر بارزانی سه‌رۆكێ حوكه‌تا هه‌رێما كوردستانێ لێ ژبه‌ر خوه نه‌رازیكرنا هنده‌ك هه‌لبژارتێن پشكدار ژبه‌ر ره‌وشا ده‌ڤه‌رێ تایبه‌ت و داخوازا پاشئێخستنا قاره‌مانیێ كربوو ژبه‌ر كاودانێن ئه‌منی یێن خراب ل رۆژهه‌لاتا ناڤه‌راست تایبه‌ت دناڤبه‌را وه‌لاتێن ئیسرائیل و ئیرانێ دا، له‌وما فیدراسیۆنا كۆنیفایێ فه‌رمی بۆ هاڤینا سالا 2025ێ قاره‌مانی پاشئێخست.
هه‌روه‌سان ناڤهاتی ڕه‌دكر كو بۆ سالا بهێت قاره‌مانی ژ كوردستانێ بهێته ڤه‌گۆهاستن و گۆت: وه‌كو مافێ مه قارمانی دێ ل هه‌رێما كوردستانێ هێته كرن و ل دووڤ به‌رنامه و پلانێن مه هه‌ر تشته‌كێ پێدڤی دێ به‌رهه‌ڤبیت ژ وانا ئۆتێل و یاریگه‌هـ و جهێن پێدڤی و سه‌رۆكێ فیدراسیۆنا كۆنیفایێ ژی ئه‌م پشت راستكرینه سالا بهێت دێ ل كوردستانێ هێته كرن و ناهێلین چو گوهۆڕین بهێنه كرن.
بۆ زانین 14 هه‌لبژارتیێن هه‌رێمێن جیهانێ پشكدارن و هاتینه به‌لاڤكرن ل سه‌ر چار كۆمان و بڤی ره‌نگێ خوارێ، كۆما ئێكێ: كوردستان، كیرنۆ – بریتانیا، كاشمیر-پاكستان، تامیل ئیلام- سریلانكا، كۆما دویێ: په‌نجاب- هندستان، رایپا نویی- بۆلیڤیا، ئۆستیتا یا باشۆر- جورجیا و رۆسیا، كانتۆ تایكینۆ-سویسرا، كۆما سێیێ: كاربالتاجا-هنگاریا و ئۆكراینا، كابیلییا-جه‌زائیر، تبت-هندستان، ساۆپولۆ- به‌رازیل، كۆما چارێ: سیزكلێر سیزنا- ئیتالیا، ئه‌بخازیا- رۆسیا، باسچێت- رۆمانیا.، ماولی سۆر- چیكیا.