ئەڤرۆ ئیراقێ یاریا هەی و سوبەهی كەرنەڤال دێ دەستپێكەت
شاهۆ فەرید:
چاڤەڕێیە بڕیارە ئەڤرۆ هەلبژارتیێ ئۆلمپیێ ئیراقێ یێ فوتبۆلێ یارییا خوە یا ئێكێ ژ چارچووڤەیێ كۆما دویێ یا ئۆلمپیادا پاریس 2024ێ بەرانبەر هەلبژارتیێ ئۆكراین ل دەمژمێر هەشتی شەڤ ئەنجامبدەت ئەوا دهەمان كوم دا هەلبژارتیێن ئەرجەنتین و مەغرب دگەل دانە.
هەروەسان سوبەهی ب شێوەكێ فەرمی كەرنەڤالێ وەرزێ نوو یێ ئۆلمپیادا پاریس 2024ێ بهێتە ئەنجامدان ب مەزنكرنا خەتیرا ئۆلمپی و دەستپێكرنا كۆمەكا برگەیێن هونەری و نیشاندانێن وەرزشی و دووڤدا دەست ب قارەمانیێن ل سەر ئاستێ یاریێن جودا یێن ئۆلمپی بهێتە كرن.
دهێتە پێشبینیكرن 10500 یاریزانێن كچ و كوڕ ژ 250 وەلاتان بۆ یاریێن جودا پشكداربن و چەندین ریكۆردێن نوو و پیڤایی بهێنە تۆماركرن و شكاندن، هەمی بەرهەڤیێن لوجستی و ئەمینی ژلایێ دەستهەلاتا فرەنسا و ب هەڤكارییا هێزێن ئەمنی یێن چەند وەلاتێن ئۆرۆپا هاتینە كرن،
ژلایەكێ دووڤە شاندێ هەلبژارتیێ ئیراقی و سۆمالێ ژ سەرجەمێ بیست و دو وەلاتێن ئەرەبی بێ هەبوونا ئێك یاریزانا ئافرەت دێ پشكداریێ كەن و ئەگەر ژی ژبەر كێمیا یاریزانێن كچ و دەستڤە نەئیناناه ژمارەكا باش كو دەربازی ئۆلمپیاتا بیتن ئەڤێ چەندێ دەنگ و باسێن رۆژەڤا راگەهاندن و رۆژنامەگریا ئەرەبی و بایانی گەرم كریە.
هەلبژارتیێ ئۆلمپیێ ئێراقێ یێ فوتبۆلێ ئەڤە بۆ جارا پێنجێ یە پشكداریێ دكەت و باشترین پشكداریا وێ ئۆلمپیاتێن ئەسنا 2004ێ یۆنانستانێ پشتی رێزبەندیا چارێ دەستخوەڤە ئیناتی، هەڤركیا دەستڤەئینانا میدالیێن رەنگین وەكو هەرجار دناڤبەرا ویلایەتێن ئێكگرتێن ئەمریكا و چینێ دا بهێزە بۆ رێزبەندیا ئێكێ دناڤبەرا واندا.