فره‌نسا دێ 1500 مه‌سيحيان حه‌وينيت
ئه‌ڤرۆ نيوز:
وه‌زاره‌تا ناڤخۆ يا فره‌نسا راگه‌هاند كو پاريس دێ 1500 مه‌سيحيێن رۆژهه‌لاتى يێن دووماهيا هه‌يڤا تيرمه‌ها بۆرى حه‌وينيت.
د ئاهه‌نگه‌كا پێشوازيا مه‌سيحيان دا كو ژ عيراق و سوريا چووبوون ل رۆژا شه‌مبى ب ئاماده‌بوونا سه‌رۆكێ فه‌ره‌نسا، فره‌نسوا هۆلاند، وه‌زاره‌تا ناڤخۆ راگه‌هاند: “دێ رێ ب 1500 مه‌سيحيان ده‌ين و هه‌تا نوكه نێزيكى هزار كه‌سان گه‌هشتينه”.
سه‌رۆكێ فره‌نسا ژى گۆت: “من دڤێت بخێرهاتنا هه‌وه يا ب ته‌مامى بكه‌م، ل سه‌ر حه‌زا هه‌وه يا كو هه‌وه دڤێت ل فره‌نسا بن، هيڤيه شيان و ره‌وشه‌نبيريا خوه بۆ خزمه‌تكرنا فره‌نسا بێخنه كار”.
نێزيكى 200 كه‌سان ژ عيراق و سوريا پشكدارى وێ ئاهه‌نگێ ببوون ئه‌وا ل باخچێن وه‌زاره‌تا ناڤخۆ ل فره‌نسا هاتيه ئه‌نجام دان.
ژ لايێ خوه ڤه وه‌زيرێ ناڤخۆ، برنار كازنوف گۆت: “هوون هه‌موو بخێرهاتن”، زێده‌تر گۆت: “مه‌سيحى قوربانيێن ئێكێ يێن ده‌ستێ داعش بوون”.
