گوهۆڕین بەردەوامن و كار ژبۆ رەوشەنبیرکرنا یاریزانان دكەین
د كۆنگرەیەكێ رۆژنامەڤانی دا سەرۆكێ فیدراسیۆنا فوتبۆلا ئیراقێ دیار كر پشتەڤانییا بەردەوام یا سەرۆك وەزیرێن ئیراقێ محەمەد شیاع ئەلسودانی و دۆڤچوونا بەردەوام وەكرییە پێشكەڤن ب كەڤیتە د فوتبۆلا ئیراقێ دا و دێ بەردەوامبن ل سەر گوهۆڕینان.
زێدەتر عەدنان درجال گۆت: شۆرەشەكا مەزن ل بەراهییا مەیە ئەوژی پێشكەڤتن و پێشئێخستنا ئاستێ وەرزشا فوتبۆلا ئیراقێ یە و ئەم یێ گوهۆڕینێ د هەموو لایەنیێن وێ دا دكەین چو كارگێری، یان هونەری یان هەر شێوازەك پێخەمەت ئاستێ وەرزشا ئیراقێ بەر ب جیهان بوونێ ڤە بچیت و كارێ مە بەردەوامە ژبۆ رەوشەنبیركرنا یاریزانی د هەموو بیاڤان دا، راگەهاندن هەڤكارێ مە یێ سەرەكی یە بۆ پێنگاڤێن باشتر.
هەروەسان ناڤهاتی گۆت: بڕیارە پرۆژەیێ خەونان ئەوا بەری چەندەكێ هاتییە ڕاگەهاندن ل ناڤەڕاستا مەها بهێت ب دانانا سێ بنگەهێن مەزن یێن راهێنانێ ل سێ پارێزگەهێن جودا دەستپێبكەت ئەڤە ژی ئێك ژ پلانێن مە یێن پێشڤەچوونا ئاستێ فوتبۆلا ئیراقێ یە، هەروەسان دێ ووركشۆپێن كارگێری و هونەری ل بەغدا و مەدرید هەبن و مە چو ئاریشە دگەل یانەیێن خولا ستێرێن ئیراقێ نینن تایبەت لایەنێ دارایی ژبەركو پێشوەخت رێكەڤتن ل سەر ئەڤی بابەتی هاتیە كرن.
