ڤیان دەخیل پێنج داخوازی ژ جڤاتا ئاسایشا نێڤدەولەتی کرن
د کۆمبوونا دوھی27\3\2015 یا جڤاتا ئایشا نێڤدەولەتی دا ل دەستپێکا خواندنا گۆتارێ دا، ڤیان دەخیل پێنج داخوازيێن گرێدايى ب ئیزدیان ڤە كرن.
ڤیان دەخیل، ئەنداما جڤاتا نوونه‌رێن عيراقێ بۆ ئەڤرو نیوز گۆت: “من داخواز كر كو ئەو کارەساتا ب سەرێ ئیزدیان ھاتی ب جینوساید بھێتە نیاسین و هێزێن نێڤدەولەتی بۆ پاراستنا وان دەڤەران بھێنە دانان”.
زێده‌تر گۆت: “ديسا مه داخواز كر كو جڤاکێ نێڤدەولەتی پالده‌ين ژ بوو رزگارکرنا ئەو کچ و کوڕێن د دەستێن داعش دا و دووبارە ئەو جھێن داعش کاڤل کرین و خراب کرین بھێنە دروست کرن و ھێزێن تایبەت یێن ب ھێز بھێنە دروست کرن ل عێراقێ بۆ شەرکرنێ ل دژی داعش”.
