خەما من یا سەرەكی و دووماهیێ ئەوە گازندەیێن خەلكی بگەهینم
سندس سالح سلێڤانەیی:
مەدیاكار (سورەیا هێساری) كو ژ رۆژئاڤایێ كوردستانێ یە، د دیدارەكێ دا بۆ رۆژنامەیا ئەڤرۆ گۆت: دژیێ چاردە سالیێ دا من گەلەك گوهداریا رادیۆیێ دكر، پشتی ماوەیەكی ب رێیا تەلەفۆنێ پشكداری د بەرنامەیێن واندا دكر و نێرینێن خوە دگۆتن، رۆژەكێ كارگێڕیا رادیۆیێ پەیوەندی ب من كرن و گۆتنە من تۆ مێهڤانا بەرنامەی، پشتی ئەز چوویم هزرا پێشكێشكرنا بەرنامەیەكی دانە من، ل دەستپێكێ مالا من رازی نەبوون گۆتن دێ كارتێكرنێ ل خواندنا تە كەت، لێ ئەز چووم من بەرنامە ژی پێشكێشكر و خواندنا خوە ژی ب دووماهی ئینا، پاشان ئەز بوومە پێشكێشكارا تەلەفزیۆنێ و پشتی ئەم هاتینە هەرێما كوردستانێ من بەردەوامی ب كارێ خوە دا و دەمەكی ل كوردستان تیڤی و زاگرۆس، دووڤدا ل كەنالێ وار و دوسال نیڤان ژی ل كەنالێ رووداو من كاركر و نوكە ل كەنالێ ئاڤا میدیا مە.
هەروەسا گۆت: وەك پەیامنێر من پشكداری د شەڕێ دژی داعش دا كریە و گەلەك دیمەنێن نەخۆش د شەڕی دا دیتن، چنكو رەوش گەلەكا خراب بووم و بۆ من وەك كچەك ئاستەنگ هەبوون، لێ ئەز شیام خوە ڕابگرم، هەروەسا كارێ خوە ژی بەر ب پێشڤەتر ببەم، هەروەسا بەردەوام ئەزیا بزاڤێ دكەم هەڤسەنگیەكێ دناڤبەرا كارێ خوە یێ مال وەكو دایك، هەروەسا یێ ژ دەرڤە وەكو مەدیاكار پەیدا بكەم، هەروەسا رۆژانە ئەز بزاڤێ دكەم دەنگی خەلكێ بێ گونەه بگەهینم و خەما من سەرەكی و دووماهیێ ئەوە ئەز داخوازی و گازندەیێن وان بگەهینم.
