پێدڤیە پەیامنێر هندەك جاران جهێ خوە بگوهۆڕیت
بێوار حەمدی:
مەدیاكار (ئەحمەد فەرحان) كو نوكە وەك پەیامنێر ل ئاژێر پرێس ل زاخۆ كاردكەت، د دیدارەكێ دا بۆ رۆژنامەیا ئەڤرۆ گۆت: ئەڤە نێزیكی نەه سالانە ئەز كارێ پەیامنێریێ دكەم، بۆ زانین ل دەستپێكێ ئەز پێشكێشكار بووم، لێ پشتی من دیتی كارێ پەیامنێریێ مەیدانی یە و دناڤ خەلكی دایە، لەورا ئەز بوومە پەیامنێر و ب كارێ خوە یێ دلخۆشم.
هەروەسا گۆت: ل جهێ نوكە ئەز فێری گەلەك تشتان بووم و ب دیتنا من پەیامنێر وەكو ئاڤێ یە هەكە ما دجهێ خوە دا دێ بێهنێن نەخۆش ژێ هێن و ئەو كەس نەشێت بەر ب پێشڤەبچیت، لەورا پێدڤیە پەیامنێر هندەك جاران جهێ خوە ب گوهۆڕیت، دا كو بشێت پتر خزمەتێ بكەت و نێزیكی خەلكی بیت و ب راستی ژی خەلكێ زاخۆ گەلەك ل گەل مە هاریكارن و حەزدكەن داخوازی و گازندەیێن خوە ب رێكا مایكا مە بگەهینن.
