كارێ شێوەكاری پاقژكرنا دەروونێ مرۆڤی و لێكدانا هەستانە
بێوار حەمدی:
شێوەكار (هێمن كەمال) د دیدارەكێ دا بۆ رۆژنامەیا ئەڤرۆ گۆت: ئەڤە نێزیكی یازدە سالانە ئەز دبوارێ شێوەكاری دا كاردكەم و ب دیتنا من كارێ شێوەكاری كۆمكرنا هەستانە كو ژ وژدانا هونەرمەندی دەردكەڤیت و دبیتە داهێنان، دیسان كارێ شێوەكاری پاقژكرنا دەروونێ مرۆڤی یە و لێكدانا هەستانە، كو هونەرمەند ب رێكا كەڤالێ خوە پەیامەكێ دگەهینیت.
هەروەسا گۆت: نە هەر كارەكێ شێوەكاری یێ جوانە، بەلكو ل دووف شێوەكاری دمینیت، بۆ نموونە دبیت پیرەژنەك یا جوان نەبیت، بەلێ وێنەیێ وێ جوان یێ هاتیە چێكرن و ئەڤە ل دووڤ بەهرەی و زیرەكیا شێوەكاری دمینیت و ب دیتنا من پتر سەرنجا خەلكێ مە بۆ كەڤالێن ڕەنگا و ڕەنگە، چنكو جڤاكێ مە یێ بێ بەهرە ژ ڕەنگ و هزرێن جودا.
